ଭୋକ

 

ଏ ଭୋକ 

ମଣିଷର ଭୂଗୋଳ

ପରିବର୍ତ୍ତନ କରେ,

ଚେହେରା ପଛରେ ଗୋଟେ

ବିବେକ ଶୂନ୍ୟ ଜୀବ ଜନ୍ମଦିଏ ।

ଏ ଭୋକ ଭାରି ବିଷାକ୍ତ

ସେ ପେଟର ହେଉ ବା ପକେଟର

ସେ କାମର ହେଉ ବା କାମନାର

ସେ କମେଇବାର ହେଉ ବା ଲୁଟିବାର

ସବୁ କ୍ଷେତ୍ରରେ ମଣିଷର ମଣିଷପଣିଆକୁ

ଖିନଭିନ କରେ ।

କେବେ ମଣିଷକୁ ଧନୀ ସଜାଏ ତ

ଆଉ କେବେ ଭିକାରୀର ପରିଚୟ ଦିଏ

କେବେ ଗୋଲାମଗିରି କରେ ତ 

ଆଉ କେବେ ଦାଦା ସଜାଏ ।

ନୀତି ଅନୀତି, ଧର୍ମ କର୍ମ

ଆଚାର ବିଚାର ସବୁ ସବୁ ପରିବର୍ତ୍ତନଶୀଳ

ଏ ଭୋକର ପରିଧି ମଧ୍ୟରେ,

ଭୋକକୁ ଯିଏ ଜିତିଗଲା 

ସିଏ ମହାତ୍ମା ଈଶ୍ୱରଙ୍କ ଆଖିରେ

ହୁଏତ ଦରିଦ୍ର୍ୟ, ଦାଦନ, ଛୋଟଲୋକ ହେଇପାରେ

ଦୁନିଆର ଭିଡ଼ ଭିତରେ ।।