ଭକ୍ତରାଜ ବିଶ୍ଵାବସୁ

          ଭକ୍ତରାଜ ବିଶ୍ଵାବସୁ
          ===========
ଧନ୍ୟ ଧନ୍ୟ ବିଶ୍ଵାବସୁ ଭକତ ପ୍ରବର l ଶବରପତି ବନରେ ଥିଲା ତୁମ୍ଭ ଘର ll ନୀଳମଣି ବିଗ୍ରହଙ୍କୁ ପର୍ବତ ଗୁମ୍ଫାରେ l
ଗୁପ୍ତ ପୂଜା କରୁଥିଲ ନିର୍ମଳ ଭକ୍ତିରେ ll ଦ୍ଵାପରଯୁଗେ କୃଷ୍ଣଙ୍କୁ ବିନ୍ଧି ତୀକ୍ଷ୍ଣଶର l ଶରରେ ପ୍ରଭୁ ଚଳିଲେ ବଇକୁଣ୍ଠପୁର ll ବରଦେଇଥିଲେ ହରି ଶୁଣ ତୁ ଭକତ l ନିଧନେ ଆମ୍ଭର ତୁହି ନ ହୁଅ ବିବ୍ରତ ll ବାଳିବଧ ସମୟରେ ଦେଇଥିଲି ବର l
କର୍ମ ଫଳ ଏହିତ ତୁ ଏହାକୁ ବିଚାର ll
ଦୁଃଖ କରନାହିଁ, କରନାହିଁ ଭକ୍ତ ତୁହି l ନୀଳମଣି ବିଗ୍ରହକୁ ପୂଜାକର ନେଇ ll
ଏହା କହି ପ୍ରଭୁ ତହୁଁ ସ୍ଵସ୍ଥାନ ଚଳିଲେ l ନୀଳମାଧବଙ୍କୁ ବିଶ୍ଵାବସୁ ପୂଜାକଲେ ll
ବନ ଫୁଲ ଫଳ କନ୍ଦ ପ୍ରସାଦ ଲଗାଇ l ନିଭୃତ ଗିରିକନ୍ଦରେ କେହି ନଜାଣଇ ll ଉତ୍କଳ ଅଇଲେ ପୁଣି ଦୂତ ବିଦ୍ୟାପତି l ଅତୀବ ଚତୁର ବିପ୍ର ଅବନ୍ତୀର ମନ୍ତ୍ରୀ ll ତୁମ୍ଭରି କନ୍ୟା ଲଳିତା ସରଳ ସ୍ଵଭାବ l ତାଙ୍କଠି ବସିଲା ତହୁଁ ବିପ୍ରଙ୍କର ଭାବ ll ବିପ୍ରଙ୍କ ଚତୁରବାଣୀ ଲଳିତା ଭୁଲିଲେ l
ତାଙ୍କୁ ଧରି ମାଧବଙ୍କୁ ଦର୍ଶନ କରିଲେ ll ଗୁପ୍ତବାସୁ ଅନ୍ତର୍ହିତ ହେଲେ ଭଗବାନ l କାନ୍ଦିକାନ୍ଦି ଭକ୍ତବର ବିସର୍ଜିଲେ ପ୍ରାଣ ll ମହାରାଜ ଇନ୍ଦ୍ରଦ୍ୟୁମ୍ନ ବଡ଼ ତପ କଲେ l ଚତୁର୍ଦ୍ଧାମୂରତି ତହୁଁ ଆବିର୍ଭୁତ ହେଲେ ll
ବଡ଼ ଦେଉଳରେ ଥାପି ଚତୁର୍ଦ୍ଧା ମୂରତି l ଇନ୍ଦ୍ରଦ୍ୟୁମ୍ନ ରଖିଗଲେ ଅକ୍ଷୟ କୀରତି ll ଲଳିତା ଶବର କନ୍ୟା ବିପ୍ର ବିଦ୍ୟାପତି l ଦଇତାପତି ତାଙ୍କର ସନ୍ତାନ ବୋଲାନ୍ତି ll ମନପ୍ରାଣ ତାଙ୍କ ସଦା ପ୍ରଭୁଙ୍କ ପୟରେ l ସେବକପଣ ତାଙ୍କର କିଏ କଳିବରେ ll
ଧନ୍ୟ ତୁମ୍ଭେ ବିଶ୍ୱାବସୁ, ଭକତ ପ୍ରବର l
ତୁମ୍ଭେ ତ ଆଦିସେବକ ମହାପ୍ରଭୁଙ୍କର ll
କାଳ କାଳ ପାଇଁ ଭକ୍ତ ରଖି ଗଲ ଯଶ l ଭକ୍ତରାଜ ବିଶ୍ଵାବସୁ, ଯଶଶ୍ଵୀ ପୁରୁଷ ll
ଜୟ ଜୟ ଜଗନ୍ନାଥ ନୀଳାଦ୍ରୀ ମଣ୍ଡନ l
 ନୀଳ ଚକ୍ରେ ଉଡ଼ାଇଛ ପତିତପାବନ ll
               🙏🙏🙏
                  ଅର୍ଜୁନୀ
                ------------
ଅର୍ଜୁନୀ ଚରଣ ବେହେରା
ମୋ -7693091971