ଭକତବତ୍ସଳ କଳାସାଆନ୍ତ

ତୁମର କାଳିଆ ବଦନରେ ପ୍ରଭୁ

କି ଯାଦୁ ରଖିଛ ଭରି

ଭୁଲି ଯାଇଥିଲି ତୁମେ ହିଁ ତୁମକୁ

ନିଜେ ଗଢିଥିଲ ବୋଲି I

ଓଡିଆ ଜାତିର ହୃଦୟ ସ୍ପନ୍ଦନ

ସାରା ଜଗତର ନାଥ

କୋଟି କୋଟି ପ୍ରାଣ ଜୀବନ ନାଟିକା

ତୁମେ ପ୍ରଭୁ ଜଗନ୍ନାଥ I

ଭକତ ଭାବରେ ବନ୍ଧା ତୁମେ ପ୍ରଭୁ

ଅଭାବକୁ ଥାଅ ଦୂରେ

କାଳିଆ ଠାକୁର ଲୀଳା କରୁ୍ଅଛ

ବସି ବଡ ଦେଉଳରେ I

ବିଶ୍ୱାସରେ ତୁମେ ବିଶ୍ୱ ବିହାରୀ

କରୁଣାର ମହାଦୃମ

ତୁମ ନାମ ତୁଣ୍ଡେ ଥିଲେ ମହାପ୍ରଭୁ

ଛୁଇଁ ପାରେନାହିଁ ଯମ I

ତୁମ ପୂଣ୍ୟଧାମେ ଭକ୍ତ ଆସେ ଧାଇଁ

ପୂଜିବାକୁ ଶ୍ରୀପୟର

ଭକତ ପାଇଁକି ଭକ୍ତ ବତ୍ସଳ

ରଥେ ତୁମେ ବିଜେ କର I

ତୁମ ପାଦପଦ୍ମେ ପ୍ରଣତି ଜଣାଏ

ଘେନାକର ମହାବାହୁ

ତୁମ ନାମ ଗାଇ ଶ୍ରୀକ୍ଷେତ୍ରରେ ମୋର

ଜୀବନର ଅନ୍ତ ହେଉ I