ଭକ୍ତ ହୃଦୟ ଯା ଘର

ଘେନ ନିବେଦନ ଆହେ ଯୋଗାତ୍ମନ

     ସାହା ହୁଅ ନରୋତ୍ତମ

ଯୋଗ ଅଭ୍ୟାସନେ ପ୍ରାଣାୟମାସନେ

     ବିତି ଯାଉ ଏ ଜୀବନ

ସଦା ଧ୍ୟାୟୀ ପ୍ରଭୁ ତୁମ ନାମ ।

ପୂରକ, କୁମ୍ଭକ, ରେଚକ ବାୟୁ ଯେ

    ଶୋଧି ଚିନ୍ତେ ଭଗବାନ

ଅନାଥର ନାଥ ନୀଳଗିରି ନାଥ

    ସଦା ପରମ କାରଣ

ଅନାଦି, ଅନନ୍ତ ଆହେ ଶୋଭାବନ୍ତ

    ପଦ୍ମ ପ୍ରାୟ ଯା ନୟନ ।

ଶ୍ରୀ ବତ୍ସର ଚିହ୍ନ ବକ୍ଷ ସ୍ଥଳେ ଯାର

   ଉପମା ନୁହେଁ ବଖାଣି

ସରି ସରି ଦେହେ ମୁକୁତାର ଝରା

   କଣ୍ଠେ କଉସ୍ତୁଭ ମଣି

ଶଙ୍ଖ, ଚକ୍ର, ଗଦା,ପଦ୍ମ ଯାର କରେ

   କଟିରେ ପିତ ବସନ ।

ରତନ ନୁପୁର ପାଦେ ଶୋହେ ଯାର

    ହୃଦୟେ ଅମୁଲ୍ୟ ହାର.

କଟି ଦେଶେ ଯାର କାଞ୍ଚି ମନୋହର

    ଭକ୍ତ ହୃଦୟ ଯା ଘର

ଗଳେ ବନମାଳ ଘେନ ଭକ୍ତି ମୋର

   ମଧୁ ଭୋଳେ ମତ୍ତ ଭ୍ରମ ।