ବହିର ବୁଦ୍ଧି

ପାଠୁଆ ତୁମେ ବୁଦ୍ଧିଆ

ବହି ପଢି ରାତିଅଧିଆ

ବହି ପାଠର ସାଥିରେ

ମାର୍କ ପାଇଁ ଘୋଡାଦୌଡରେ

ଝଗଡା ଝାଟି ଆଗଧାଡିଆ

ସାଙ୍ଗ ସହିତ ମଧ୍ୟ ଯୁଦ୍ଧ ଡାକରା

ପଛଧାଡିଏ ବହିକୁ ଛାଡି ଗପର ଝାମେଲା

ସାଥିରେ ନଥାଉ ବହି ଭାବର ଗୋଳ ଜମିଲା

ବହିଟା ଘୋଷା ପରୀକ୍ଷା ବେଳେ

ଜୀବନ ସାରା ରହେନା କାଳେ

ତଥାପି ସାଥି ବୁଦ୍ଧିଜୀବୀର

ଡାକ୍ତର କି ଇଂଜିନିୟର ବା ଆଇନଜୀବୀର

ଜୀବନ ପୁଣି ବହିଟିଏ ସୁନ୍ଦର ମଲାଟ ଦିଆ

ଯେତେ ଓଲଟାଅ ନୂଆଛବି ଏ ସୂଚୀପତ୍ର ନୂଆ

କୋରାନ୍ କୁହ ବା ଭାଗବତ ଗୀତା ବା ବାଇବଲ୍

ସବୁ ଭିତରେ ଏକ ଭଗବାନ ଓଁ କାର ବୁଝେଇଲ

କ ଝଗଡା କେତେ ଯେ ଧ୍ବଂସ ଜୀବନ ପଡେ ବଳି

ବହିଟା ପଢି ବୁଝେନା କିଛି ଲଗାଏ ଯେତେ କଳି

ସତ ବୁଝେନା ମାନେନା ମନ ଏ ଯୁକ୍ତିତର୍କ ଥମେନା

ବହି ବହିର ଯୁଦ୍ଧ ଏ ନୁହଁ ମଣିଷ ମନର ଭାବନା

ଯେତେକ ପ୍ରଜ୍ଞାନ ହୁଏ ଲେଖା ଯଦି ବହିରେ

ଜୀବନ ପୁଣି ଶିଖାଏ କିଛି ଅସୀମିତ ପୃଷ୍ଟାରେ

ସମୁଦ୍ର ପରି ଅସୀମ ଶକ୍ତି ତା ଅସୁମାରି

ଧୋକା ଦିଏନା ବୁଦ୍ଧିମାନୀର ବହି ଚିରସାଥି

ପଢିବ ବହି ବଢିବ ଆଗକୁ ସେ ସଖା ଜୀବନର

ସେ ଶିକ୍ଷକ ଛାତ୍ର ଜଗତେ ଯିଏ ପାରିଲା କରି ନିଜର

ଚିର ସବୁଜ ନିତ୍ୟ ସୌନ୍ଦର୍ଯ୍ୟ ବାର୍ଦ୍ଧକ୍ଯ ଧାରେ ଆସେନା

ଚତୁରେ ଚାତୁରୀରେ ମନ ନିଏ ମୋହି ଧରା ପଡେନା

ବହିର କାୟା ତାର ମାମଲା ଫେଲ୍ ପିଲାକୁ ଥରେ ପଚାର

ପରିଣାମ ଭୋଗେ ମାୟାମୋହର ବନ୍ଧନରେ ନ ବାନ୍ଧିବାର ।