ଭିନ୍ନକ୍ଷମ

ଭିନ୍ନକ୍ଷମ ଜନ୍ମ ଦେଇଛ ହେ ପ୍ରଭୁ    

ଦୁଃଖ କରିବାର ନାହଁ

ତୁମରି ଖୁସିରେ ଜନମ ଦେଇଛ

ଦୁଃଖ କରିବି କିପାଇଁ

ବଞ୍ଚିବା ପାଇଁ କି ଧୌର୍ଯ୍ୟ ଦେଇଛ

ନିଜକୁ ଛୋଟ ମଣିନି

ବଞ୍ଚିଛି ବଞ୍ଚୁଛି ଆଗେ ବଞ୍ଚିଥିବି

ମନବଳ ମୁଁ ହାରିନି

ତୁମରି ଦୁନିଆଁ ତୁମରି ସଂସାର

ତୁମର ତ ସବୁକିଛି

ତୁମେ ଯାହା ଚାହଁ ତାହା ତୁମେ କର

ବିକଳ୍ପ କିଏ ବା ଅଛି

ଦୁଃଖ ତୁମେ ଦିଅ ସୁଖ ତୁମେ ଦିଅ

ତୁମେ ହିଁ ତ ହର୍ତାକର୍ତା

କେତେ କେତେ ପ୍ରାଣୀ ସୃଷ୍ଟି କରିଅଛ

ତୁମେ ହିଁ ତ ବିଶ୍ୱକର୍ତା

ଖୁସିରେ ଜୀବନ ଦେଇଅଛ ପ୍ରଭୁ

ଇଚ୍ଛା ହେଲେ ନେଇଯିବ

ମୁଁ ଗଲା ବେଳକୁ ହେ କରୁଣାମୟ

ପାଖେ ପାଖେ ମୋର ଥିବ