ଭିନ୍ନ ସମ୍ପର୍କ

ରାତ୍ରିର ଶେଷ ପ୍ରହର

କିଛି ସମୟ ପରେ ବିଛାଡି ହୋଇ ପଡିବ

ସୁରୁଜର ରୂପା ମୁରୁଜ

ସାରା ଜଗତ ହେବ ଆଲୋକିତ

ସେହି ଆଲୋକ ମୋ ଅନ୍ଧକାରକୁ

କଣ ଦେବ ଦୂରେଇ

କେବେ କରି ନଥିଲି ଚିନ୍ତା

ସମ୍ପର୍କର ସୁତା ଖିଅଟା

ଏତେ ଶିଘ୍ର ଯିବ ଛିଡି

ମାଗି ନଥିଲି ଆଲୋକ

କାହିଁକି ଜହ୍ନ ହୋଇ ଢାଳିଲ ଜୋଛନା

କହି ତ ନ ଥିଲି ଯିବା ପାଇଁ

କାହିଁକି ଚାଲିଗଲ ଅନ୍ଧକାର ଭରିଦେଇ

କେବେ କଣ କହିଥିଲି

ସାଗରର ନୀଳ ଢେଉ ହୋଇ

ମୋ ହୃଦୟ ବେଳା ଭୂମିକୁ ଯାଅ ଛୁଇଁ

ଆଉ ସମ୍ପର୍କର ପଦ ଚିହ୍ନକୁ ଦିଅ ଭସାଇ

ବେଳେ ବେଳେ ଇଛା ହୁଏ

ପୁଣି ଗଢିବାକୁ ମଧୁର ସମ୍ପର୍କର ସୁତା ଖିଅ

କିନ୍ତୁ ଡର ଲାଗେ

ସମ୍ପର୍କର ଭାବ ଗଭୀର ହେଲେବି

ରଙ୍ଗ ଅନେକ