ଭିଜା ସ୍ମୃତି

ଅତୀତର ସ୍ମୃତି ହୃଦୟର ଭରା

ବନ୍ଦ ଝରକାର ସାଥେ

ଝରକା ଖୋଲିଲେ ଭିଜା ଭିଜା ସ୍ମୃତି

ଦହନ କରୁଛି ମୋତେ ।

କିଛି ସ୍ମୃତି ଓଠେ ହସ ଭରି ଦିଏ

ନୂଆ ସପନ ଆଖିର

ହୃଦୟ ବନରେ କୁସୁମ ଫୁଟଇ

ମିଠା ମିଠା ବାସ୍ନା ତାର ।

କିଛି ତିକ୍ତ ସ୍ମୃତି ପ୍ରାଣକୁ କନ୍ଦାଏ

କଲିଜାକୁ କାଟି ଦିଏ

ଶ୍ରାବଣର ଧାରା ନୟନୁ ଝରଇ

ଛାତି ଫାଟି ଯାଉ ଥାଏ ।

ଆଖିର ଲୁହରେ ଆଖିପତା ଭିଜେ

ମନ ଶାନ୍ତ ହୁଏ ନାହିଁ

ଦୁଃଖଦ ଘରଣା ଭୁଲି ହୁଏ ନାହିଁ

ଆଶା ସ୍ବପ୍ନ ମଉଳଇ ।

ମନ ଉଦ୍ୟାନରେ କିଛି କିଛି ସ୍ମୃତି

ଶୁଖିଲା ସୁମନ ପରି

ଫିଙ୍ଗିବାକୁ ଯେତେ ମନ ଚାହୁଁ ଥlଏ

ବୃନ୍ତରୁ ନ ଯାଏ ଝରି ।

ସ୍ମୃତିର କଳିକା ମନ ଆଇନାରେ

କେବେ ସେ ସକାଳ ସୂର୍ଯ୍ୟ

ପଶ୍ଚିମ ଦିଗନ୍ତେ କେବେ ଲୁଚି ଯାଏ

ଯାମିନୀ ବୁଣେ ମୁରୁଜ ।

ଦୁଃଖ ସୁଖ ଭରା ଏ ଜୀବନ ଆମ

ସ୍ମୃତି ଖାଲି ମୁକସାକ୍ଷୀ

ଏକାନ୍ତରେ କେବେ ଖୁସି ହେଉ ଥାଏ

କେବେ ହେଉ ଥାଏ ଦୁଃଖୀ ।

ହୃଦ ଅଗଣାରେ ବିଛାଇ ହୋଇଛି

ସ୍ମୃତିର କେତେ ଝଲକ

ଅନ୍ତର ବେଦନା ଲୁଚାଇବା ପାଇଁ

ହସର ନୂଆ ମୁଲକ ।