ଭଗବତ୍ ଅନୁଭବ

ମୁଖ ନିସୃତଃ କବି – ସନ୍ଥ କବୀର ଦାସ

ଅନୁବାଦ - ଡଃ ସୁବାସ ଚନ୍ଦ୍ର ରାଉତ

ତ୍ୟାଗ ଗର୍ବ ଓ ହରିଙ୍କୁ ଭଜ, ଛାଡ଼ି ସମସ୍ତ ବିକାର, 

ଶତ୍ରୁ କରନି କାହାକୁ କେବେ, ସାଧୁ ସ୍ୱଭାବହିଁ ସାର ।

କୁଡ଼ିଆଟିଏ ବାଡ଼ିରେ ତୋଳି, ନିନ୍ଦୁକ ରଖ ପାଖରେ,

ବିନା ପାଣି ଓ ସାବୁନ୍ ବିନା, ସ୍ୱଭାବ ସଫା ତୋ କରେ ।

ମନୁଷ୍ୟ ଜନ୍ମ ଅତି ଦୁର୍ଲଭ, ମିଳେନାହିଁ ବାରମ୍ବାର, 

ବୃକ୍ଷ ବିଚ୍ୟୁତ ପାଚିଲା ଫଳ, ଲାଗେ ନାହିଁ ପୁନର୍ବାର । 

ଏତିକି ପ୍ରଭୁ ଆମକୁ ଦିଅ, କୁଟୁମ୍ବ ଯଥେଷ୍ଟ ପାଉ,

ଭୋକିଲା କେହି ନିଜେ ନ ରହୁ, ସାଧୁ ଭୋକରେ ନ ଯାଉ ।

ରୁଖା ଓ ସୁଖା ମିଳୁଛି ଯାହା ଖାଇ ଥଣ୍ଡା ପାଣି ପିଅ,

ପରର ରୋଟି ସୁନ୍ଦର ଦେଖି, ଲୋଭାତୁର ନାହିଁ ହୁଅ ।

 କବୀର କହେ ନିର୍ଧନ ସବୁ, ଧନବାନ ନୁହେଁ କେହି,

ଯାହାର ଅଛି ନାମର ଧନ, ଧନବାନ ତାକୁ କହି ।