ମାୟା ମହା ଠକ

ମୁଖ ନିସୃତଃ କବି – ସନ୍ଥ କବୀର ଦାସ 

ଅନୁବାଦ - Dr Subas Chandra Rout

ମାୟା ମହା ଠକ ଜାଣିଛି ମୁହିଁ ।

ମାୟା ଅଟଇ ମହାନ ଠକ ପାରିଅଛି ମୁହିଁ ଜାଣି,

ତ୍ରିଗୁଣ ଫାସ ନେଇ ବୁଲେ ସେ, କହେ ସୁମଧୁର ବାଣୀ,

କେଶବ ପାଶେ କମଳା ରୁପେ, ଶିବ ଭବନେ ଭବାନୀ,

ପଣ୍ଡାଙ୍କ ପାଶେ ମୂର୍ତ୍ତି ସ୍ୱରୁପ, ତୀର୍ଥରେ ପବିତ୍ର ପାଣି । 

ଯୋଗୀଙ୍କ ପାଶେ ଯୋଗିନୀ ବସେ, ରାଜାଙ୍କ ପାଖରେ ରାଣୀ,

କାହା ପାଖରେ ହୀରା ସ୍ୱରୁପ, କା ପାଶେ କଉଡ଼ି କାଣି ।

ଭକ୍ତଙ୍କ ପାଶେ ଭକ୍ତି ସ୍ୱରୁପ, ବ୍ରହ୍ମାଙ୍କ ପାଶେ ବ୍ରହ୍ମାଣୀ,

କହେ କବୀର ଶୁଣନ୍ତୁ ସାଧୁ, ଏହି ଅକୁହା କାହାଣୀ ।