Library
Profile
ଭଗବାନ ପରା ସିଏ
ଭଗବାନ ପରା ସିଏ
କୋଟି ଜନମର ପୁଣ୍ୟ ବଳ ରେ
ମାନବ ଜନମ ହୋଇ
ପର ଉପକାର ପୁଣ୍ୟମୟ ବ୍ରତ
ସଂଗୀତ ଯିବା ଗାଇ |
ବିଶ୍ୱ ରେ ଯେତେ ପ୍ରାଣୀ ଜନମନ୍ତି
ଅବା ଜଳେ ଅବା ସ୍ଥଳେ,
କାହାର ବି ସୃଷ୍ଟି ନୁହେଁ ଅକାରଣେ
ଆଜି ଏହି ମହୀ ତଳେ |
ଉଡ଼ନ୍ତା, ବୁଡନ୍ତା, ଚଳ, ଅଚଳନ୍ତି
ସଭିଏଁ ମହାନ ସୃଷ୍ଟି,
ସୃଷ୍ଟି ର ରହସ୍ୟ ସେ ଏକା ଜାଣନ୍ତି
ଅଛି ଯାର ଦିବ୍ୟ ଦୃଷ୍ଟି |
ହୀନ କୀଟ ଠାରୁ ଗଜରାଜ ଯାଏ
ଯେତକ ଚଳନ୍ତି ପ୍ରାଣୀ
ଦୁବ ଘାସ ଠାରୁ କଳ୍ପ ବୃକ୍ଷ ଯାଏ
ଉଦ୍ଭିଦ ଜଗତେ ଗଣି |
ସଭିଙ୍କର ସୃଷ୍ଟି ପରିପୂରକ ଯେ
ଜଣେ ବଞ୍ଚେ ଅନ୍ୟ ପାଇଁ,
ଅନ୍ୟ ବିନା ଏକା ବଞ୍ଚି କେ ପାରିବ
ସେମିତିକା ଜୀବ ନାହିଁ |
ସବୁ ପ୍ରାଣୀ ଙ୍କ ଠୁ ମାନବ ଯେ ଶ୍ରେଷ୍ଠ
ବୁଦ୍ଧି ଓ ବିବେକ ପାଇଁ
ସାରା ସଂସାର କୁ ଚଳାଇ ପାରିବ
ଇଶ୍ୱର ଙ୍କ ସୃଷ୍ଟି ସେହି |
ଦୁଃଖୀ ରଙ୍କୀ ଙ୍କର ଆକୁଳ ଚିତ୍କାରେ
ପ୍ରାଣ ଯା ବ୍ୟାକୁଳ ହୁଏ
ନିଜ ଜୀବନ କୁ ବାଜି ଲଗାଇ ଯେ
ହସ ଟିକେ ଭରି ଦିଏ |
ସେ ଏକା ମହାନ ଏଇ ଦୁନିଆ ରେ
ପ୍ରାଣୀ ପାଇଁ ପ୍ରାଣ ଯାର
ଇଶ୍ୱର ଙ୍କ ପାଖେ ପ୍ରାର୍ଥନା କରଇ
ସଭିଁଙ୍କୁ ଉଦ୍ଧାର କର |
ଆପଣା ସ୍ୱାର୍ଥ କୁ ପଛରେ ପକାଇ
ପର ପାଇଁ କାନ୍ଦେ ଯିଏ
ମଣିଷ ରୂପରେ ମଣିଷ ନୁହଁଇ
ଭଗବାନ ପରା ସିଏ ।
