ମୋ ଓଡିଶା
ମୋ ଓଡିଶା
ମା' ପରି ଯିଏ ପାଳୁଛି ମୋତେ
ପାଣି ପବନ ଦେଇ
ସେହି ଜନନୀ ସେହି ମୋ ଧାତ୍ରୀ
ସେହି ଓଡିଶା ଭୂଇଁ |
ତାହାରି କୋଳେ ଜନମି ଥିଲେ
ଲେଖକ, କବି କେତେ
ତାହାରି ଗୁଣ ଗାଇ ହୋଇଲେ
ଅମର ଆଜି ସତେ |
ବୀର ପୁରୁଷ, ସମାଜ ସେବୀ
ଯାହାର ଯୋଗ୍ୟ ସୁତ
ସେହି ରାଇଜେ ଜନମ ହୋଇ
କାହିଁକି ଆମେ ସୁପ୍ତ |
ଯେଉଁ ରାଇଜ ଐତିହ୍ୟ କିର୍ତ୍ତୀ
ବିଶ୍ୱେ ପଡିଛି ହୁରି
କୋଣାରକ ର ସୂର୍ଯ୍ୟ ମନ୍ଦିର
ବଡ ଠାକୁର ପୁରୀ |
ଜଗତ ନାଥ ରାଜା ଯେଉଁଠି
ଆମେ ତାଙ୍କର ପ୍ରଜା
କର୍ମ ରେ ବୀର ହୁଅ ହେ ଭାଇ
ଉଡ଼ାଅ ତାଙ୍କ ଧ୍ୱଜା |
ବୀର ମାଟିରେ ଜନମ ହୋଇ
ଭୀରୁ ଯେ ହେବା ନାହିଁ
ସତ କାର୍ଯ୍ୟ ରେ ସତ କର୍ମ ରେ
ଜୀବନ ଦେବା ଦେଇ |