ଭଦ୍ରମୁଖା

ଭଦ୍ରମୁଖା ତଳେ କେତେ କେତେ 

ମୁହଁ ଆଜି ବି ରହିଛି ଲୁଚି 

କିଏ ଅବା ଏଠି ନର ପିଶାଚ ଟେ 

କିଏ ବା ଏଠି ପିଶାଚୀ 

କାହାକୁ ହେବନି ବାଛି 

ମଣିଷ ବିକୁଛି ମଣିଷ ପଣିଆ 

ସ୍ୱାର୍ଥ ବଜାରରେ ନାଚି ।

ଶିକ୍ଷିତ ସମାଜ ଶିକ୍ଷା ଦ୍ୱାହି ଦେଇ 

ବାପା ମା ଙ୍କୁ କରେ ପର 

ସଭ୍ୟତା ସଂସ୍କୃତି ଚୁଲିକୁ ଗଲାଣି 

ଖାଲିରେ ମିଛ ପ୍ରଚାର 

କିଏ ବା ଦେବ ଉତ୍ତର 

ଭଦ୍ର ସମାଜରେ ମୁହଁ ଯିଏ ଖୋଲେ 

ଅଭଦ୍ର ହେବା ଟି ସାର ।

ତଥାପି ବଞ୍ଚିଛି ମଣିଷ ପଣିଆ 

ବଞ୍ଚିଅଛି ସ୍ୱାଭିମାନ 

ଭଦ୍ରମୁଖା ଦିନେ ଖୋଲିବ ସବୁରି 

ମିଛ ହେବ ସନମାନ 

ସବୁ ତ ଅଢେଇ ଦିନ 

ଆଜିର ଜୀବନ କାଲିକୁ ନଥାଏ 

ମିଛ ତ ସବୁ ସପନ ।