Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Rupali priyadarshini Samantaray

Classics


4.2  

Rupali priyadarshini Samantaray

Classics


ଭାଇ ଟିଏ ତୁମେ ସାଜିବ....

ଭାଇ ଟିଏ ତୁମେ ସାଜିବ....

1 min 429 1 min 429


ରାକ୍ଷୀ ବାନ୍ଧିଥିଲେ ପ୍ରଥମେ ସେଦିନ

ଦ୍ରୋପଦି ତୁମରି ହାତେ ।

କହିଥିଲେ ସଖା ଭଉଣୀ ଟେ ଭାବି

ରକ୍ଷା କରୁଥିବ ମୋତେ ।।

ରାକ୍ଷୀର ମାନ ରକ୍ଷା କରି ଶ୍ୟାମ

କୋଟି ବସ୍ତ୍ର ଦେଇଥିଲ ।

କୁରୁ ସଭାରେ ଭଉଣୀ ମର୍ଯ୍ୟାଦା

ତୁମେ ପୁଣି ରଖିଥିଲ ।।

ସେହି ଦିନଠାରୁ ଏ ରକ୍ଷା ବନ୍ଧନ

ଭାରତେ ଆରମ୍ଭି ଥିଲା ।

ଭଉଣୀ ଲାଜ ଭାଇ ରଖିବ ବୋଲି

ଭଉଣୀ ଭରଷି ଥିଲା ।।

ସବୁ ଭଉଣୀ କି ଦ୍ରୋପଦି ହେଉଛି

ଶ୍ୟାମ ହୁଅଇ କି ଭାଇ ।

କେତେଯେ ଭଉଣୀ ମରଇ ଏଇଠି

ଆଜି ନିର୍ଯାତିତା ହୋଇ ।।

ଦ୍ରୋପଦି ଙ୍କ ଭଳି କେତେ ଭଉଣୀଙ୍କ

ବସ୍ତ୍ର ହରଣ ହୁଏ ।

ଅସହାୟ ହୋଇ କେତେ ଯେ ଭଉଣୀ

ମୃତ୍ୟୁ ମୁଖରେ ଶୁଏ ।।

ଭାବିଲ କି ଶ୍ୟାମ ମହାନ ହୋଇଲ

ଦ୍ରୋପଦି ଙ୍କ ମାନ ରଖି ।

କେତେ ଯେ ଭଉଣୀ ନିର୍ଯାତିତା ଏଠି

ଲୁହରେ ଭିଜୁଛି ରାକ୍ଷୀ ।।

ଗୁହାରି କରୁଛି ଦ୍ରୋପଦି ଙ୍କ ଭଳି

ସଭିଙ୍କ ମର୍ଯ୍ୟଦା ରଖିବ ।

ଅସହାୟ ସେଇ ପ୍ରତି ଭଉଣୀଙ୍କ

ଭାଇ ଟିଏ ତୁମେ ସଜୀବ ।।



Rate this content
Log in

More oriya poem from Rupali priyadarshini Samantaray

Similar oriya poem from Classics