ଭାଇ ପରିକା କିଏ ହେବ
ଭାଇ ପରିକା କିଏ ହେବ
ପିତା ମାତା ଆମ ପ୍ରଥମ ଈଶ୍ୱର
ଭାଇ ଯେ ଦ୍ଵିତୀୟେ ଗଣା
ଭରଷା ବିଶ୍ୱାସ ଅସୀମ ସାହସ
ପାଇବନି ତା'ଠୁ ଉଣା ।
ସବୁ ସଫଳତା ପଛରେ ତା'ହାତ
ରହିଥାଏ ମନେହୁଏ
ଦରକାର ବେଳେ ଶତ ସିଂହ ବଳ
ବିଶ୍ୱକୁ ଦେଖେଇ ଦିଏ ।
ଭାଇ ସାଥେ ଥିଲେ ସଭା ସମିତିରେ
ସର୍ବଦା ବିଜୟ ହୁଏ
ଭାଇଙ୍କ ଏକତା ଇତିହାସ ଗାଥା
ମହାଭାରତ ଯେ କୁହେ ।
ଘରେ ହୁଏ ଖଟି ଭାଇ ସାଙ୍ଗେ ମିଶି
ଭଉଣୀ ସାଥିରେ କଳି
ଘମାଘୋଟ ଯୁଦ୍ଧ ହୁଏ ଘର ଭିତ୍ରେ
ପବିତ୍ର ସେ ଗଙ୍ଗା ଭଳି ।
ଶିକ୍ଷକ ପରି ସେ ଶିଖାଏ ଅନେକ
କେବେ ସେ ଯେ ପିତା ମାତା
ପରିବାର ପାଇଁ ବାଜି ସିଏ ଜିତେ
ସବୁଠି ଭିଡ଼ିସେ ଅଣ୍ଟା ।
ଘର ପାଇଁ ଯାହା ଲୋଡ଼ା ଥାଏ କିଛି
ଟିକି ନିଖି ସିଏ ଆଣେ
ହସୁ ଥାଏ ଓଠ କହୁଥାଏ ଆଖି
କେତେ କଷ୍ଟ ସିଏ ଜାଣେ ।
ମାନବ ରୂପରେ ଈଶ୍ୱର ସେ ଅଟେ
ବୁଝିପାରେ ହୃଦ ବ୍ୟଥା
ମୋ ଭାଇ ପରିକା କିଏ ସେ ହୋଇବ
ଦୁନିଆ ତାଠାରେ ଫିଦା।