ଭାଇ ଭଉଣୀର ସମ୍ପର୍କ
ଭାଇ ଭଉଣୀର ସମ୍ପର୍କ
ଭାଇ ଭଉଣୀର ସମ୍ପର୍କ ଅପାର
ସେଇ ସମ୍ପର୍କ ବିଶ୍ୱାସ ଭରଷାର
ସେଇ ସମ୍ପର୍କ ହୃଦୟ ଆତ୍ମାର
ଯେଉଁ ସମ୍ପର୍କରେ ନାଁ ଅଛି ଛଳନା
ନାଁ ଅଛି ପ୍ରତାରଣା
ନାଁ ଅଛି ବେଦନା ନାଁ ଅଛି ଯାତନା
କେବଳ ଅଛି ଅସରନ୍ତି ସ୍ନେହ ଶାନ୍ତି ।
ଭାଇ ଭଉଣୀର ବନ୍ଧନ ଅତୁଟ
ସେଇ ବନ୍ଧନ ଯୁଗଯୁଗର
ସେଇ ବନ୍ଧନ ପ୍ରତିମୁହୂର୍ତ୍ତର
ଯେଉଁ ବନ୍ଧନରେ ନାଁ ଅଛି ଗର୍ବ ଅହଂକାର
ନାଁ ଅଛି ରାଗ ରୁଷା ମନାନ୍ତର
ନାଁ ଅଛି ଭେଦଭାବ ଦୂର ପର
କେବଳ ଅଛି ସୁଖର ଉଜ୍ଜ୍ୱଳ ଜ୍ୟୋତି ।
ଭାଇଭଉଣୀର ମିଳନ ନିଆରା
ସେଇ ମିଳନ ମଧୁର ସଂଗୀତର
ସେଇ ମିଳନ ପ୍ରୀତିପୁଷ୍ପର
ଯେଉଁ ମିଳନରେ ନାଁ ଅଛି ମିଛର ଅନ୍ଧାର
ନାଁ ଅଛି ପାପ ଅନ୍ୟାୟ ଭାର
ନାଁ ଅଛି ନିର୍ଲଜ କାମନାର ଗାର
କେବଳ ଅଛି ଭଲ ପାଇବାର ପ୍ରୀତି ।