ହେ ଇଶ୍ଵର

 ହେ ଇଶ୍ଵର

 ପାଖରୁ ତ କେବେ ଦେଖିନି ତୁମକୁ

 ଦେଖିନି ତୁମ ରୂପ ଆକାରକୁ

 ଛୁଇଁ ନାହିଁ କେବେ ତୁମରି ଦେହକୁ

 କି ଜାଣି ନାହିଁ ତୁମ ପୂଜା ବିଧିକୁ   ।

 ହେ ଇଶ୍ଵର

 କିନ୍ତୁ ଏତିକି ଜାଣିଛି ଯେ

 ତୁମେ ସମସ୍ତଙ୍କ ବନ୍ଧୁ

 ତୁମେ ସବୁଠାରେ ଦିବ୍ୟମାନ

 ତୁମେ ପ୍ରତିଟି ପ୍ରାଣର ଠାକୁର  ।

ହେ ଇଶ୍ଵର

ତୁମକୁ ସମସ୍ତେ ଅନୁଭବ କରନ୍ତି

ତୁମକୁ ଗଭୀର ବିଶ୍ୱାସ କରନ୍ତି

ସବୁଠୁ ଅଧିକା ତୁମକୁ ଭଲପାଆନ୍ତି 

ତୁମରି ପ୍ରତ୍ୟେକ ବାର୍ତ୍ତାକୁ ସମ୍ମାନ ଜଣାନ୍ତି  ।

ହେ ଇଶ୍ଵର

ତୁମରି ଇସାରାରେ ସୂର୍ଯ୍ୟ ଚନ୍ଦ୍ର ଯାତାୟତ 

ତୁମ ଇଚ୍ଛା ବଳେ ଫୁଲ ଫୁଟେ ଫଳ ଫଳେ

ତୁମ ଆଦେଶ ରେ ମଳୟ ବହେ

ତୁମରି ଇଙ୍ଗିତରେ ମାଟି ଓଦା ହୁଏ   ।

ହେ ଇଶ୍ଵର

ତୁମରି ମହିମା ସତରେ ଅପାର

ତୁମରି ନାମ ଜପ ଏ ଜଗତେ ସାର

ତୁମରି ବାଣୀ ଅମୃତଠୁ ମଧୁର

ତୁମରି ଆଶିର୍ବାଦ ଅଟେ ସରଗପୁର

ସେଥିପାଇଁ ତ ମନ କହେ ନିରନ୍ତର

ହେ ଇଶ୍ଵର,, ତୁମକୁ କୋଟି ନମସ୍କାର  ।