ଭାଇ ଭଉଣୀ କହ କାହାଣୀ

ଭାଇ ଭଉଣୀ ସମ୍ପର୍କ ସବୁଠାରୁ ମିଠା

କଳି ଗାଳି ମାଡମରା ଉଠୁ ପଛେ ଅଠା।

ଜଣକର ଅଭାବରେ ଅପୂର୍ଣ୍ଣ ସଂସାର

ହସ କାନ୍ଦ ଲୁହ ସ୍ନେହ ହୁଏ ଏକାକାର ।

ସମ୍ପର୍କ ଡୋରିରେ ଜୀବନ ଗୁଡିକୁ ଛାଡି

ଉଡାଇବା ଆମେ ଆକାଶ ଉଚ୍ଚରେ ଭିଡି ।

ବଡ ଭଉଣୀ ଯା ଅଛି ଅତି ଭାଗ୍ୟବାନ

ଦୁଇଟି ମାଆର ସ୍ନେହ ଆଦର ଯତନ ।

ଜଗା ବଳିଆ ସାଙ୍ଗରେ ସୁଭଦ୍ରା ଭଉଣୀ 

ରତ୍ନ ସିଂହାସନେ ଜନ ମନ ନିଏ କିଣି।

ସୁଭଦ୍ରା ଭଉଣୀ ସଦା ସୁରକ୍ଷିତ ଥାଉ

କଂସ ପରି ଭାଇ କା'ରେ ବିଧାତା ନ ଦେଉ।

ଚକୋଲୋଟଟିଏ ଏକା ପାଟିକୁ ନନେବ

ପକେଟରେ ଆଣି ତାକୁ ଆନକୁ ବାଣ୍ଟିବ।

କାଖ କୋଳ ସୁଖଦୁଃଖ ମାନ ଅଭିମାନ

ଭଉଣୀ ବିନା ଭାଇଟି ନାନା ହୀନିମାନ।

ଈଶ୍ୱର ସୃଷ୍ଟିରେ ଏହି ମଧୁର ସମ୍ପର୍କ

ମଧୁମୟ ରହୁ ସଦା ଦୂରେ ରହୁ ତର୍କ।