ଲାଇବ୍ରେରୀ
ପ୍ରୋଫାଇଲ୍
ଭାବର ଠାକୁର
ଭାବର ଠାକୁର
1 min
105
ଭାବ ବିନୋଦିଆ
ଭାବର ଠାକୁର
ତୁ ତ ଭାବରେ ହୋଇଛୁ ବନ୍ଧା
ତୋ ପ୍ରେମ ରଜ୍ଜୁରେ
ତୋ ଭାବ ଦଉଡ଼ିରେ
ଏ ଜୀବନ ହୋଇଛି ଛନ୍ଦା ll
ଭାବରେ ଭାବରେ
ତୋ ସାଥେ ଜଗାରେ
ହୋଇଯାଏ ଭାବ ଦିଆନିଆ
ଆହେ ଦୀନବନ୍ଧୁ
ଜଗତର ବନ୍ଧୁ
କଳାକଳେବର ନୀଳାଚଳିଆ ll
ଭାବନାରେ ଯେବେ
ଆସିଯାଉ ତେବେ
ଚାଲିଯାଉ ପୁଣି ଅପସରି
ଆହେ ଭାବଗ୍ରାହୀ
ଅଛୁ ପୁଣି ନାହିଁ
କିଏ ବା ପାରିବ ତତେରେ ଧରି ll
ତୋ ପ୍ରେମ ବନ୍ଧନ
ଯୋଗାଏ ଇନ୍ଧନ
ଚାଲିବାକୁ ଏଇ ସଂସାର ପଥ
ତୋହରି ଆଦେଶେ
ତୋହରି ନିର୍ଦେଶେ
ଚାଲିଛି ଜଗାରେ ଏ ଜୀବନ ରଥ ll
ଏ କର୍ମ ଭୂମିରେ
ତୋର ଭାବନାରେ
ବିତୁ ମୋର ଦିନ ବିତୁ ଏ ରାତି
ସକଳ ବନ୍ଧନ
କରି ମୋର ଛିନ୍ନ
ତୋ ରଙ୍ଗାପୟରେ ଦେ ରେ ମୁକ୍ତି ll
