ଲାଇବ୍ରେରୀ
ପ୍ରୋଫାଇଲ୍
ଭାବନାରୁ ଭାବପ୍ରବଣତା
ଭାବନାରୁ ଭାବପ୍ରବଣତା
1 min
246
ଭାବନା ବଉଦେ ଭାସୁଥିଲା ରାଧା
ଭାବୁଥିଲା କାହ୍ନା କଥା
ଶ୍ୟାମ ଭାବନାର ରାଣୀ ଆଉ କିଏ
ଜାଣି ହେଲା ମନ ବଥା।
ଭାବୁକତା ଯେତେ ଗାଢ଼ ହେଉଥିଲା
ଗାଢ଼ ହେଉଥିଲା ପ୍ରୀତି
ଗାଢ଼ତା ଭିତରେ ମଜ୍ଜି ଯାଇଥିଲା
ମତ୍ତ ହୋଇଥିଲା ମତି।
ଭାବପ୍ରବଣତା ଚିତ୍ତ କି ବୁଝୁଛି
ଶାଣିତ ବେଦନା ମାନ
ଶୟନେ ସପନେ ଜାଗରଣେ ସେ
ଭାବନାରେ କରେ ସ୍ନାନ।
ଭାବରେ ଅଭାବ କରିନି ପ୍ରେୟସୀ
ଭାବୁକ ହୋଇଛି ରହି
ଉଆଁସରେ ଆଶା କରିଛି ଚାନ୍ଦକୁ
ପାଗଳିନୀ ହେଲା ରାଈ ।
