ବେଲଗାମ୍ ମନ

ଏ "ବେଲଗାମ୍ ମନ"ଟା 

ବୋଲ ନ ମାନି

ଅତୀତ ସ୍ମୃତିକୁ ସାଉଁଟି

ଏଣୁ ତେଣୁ କେତେ କଥା ଭାବିଚାଲିଛି ।

ସବୁ କିଛି ଆଜି 

ନୂଆ ନୂଆ ପରି ଲାଗୁଛି,

ଶରୀର ସାରା

ରୋମାଞ୍ଚର ଶିହରଣ ଖେଳି ଯାଉଛି ।

ତୁମ ସାଥେ ବିତିଥିବା

ପୁରୁଣା ସ୍ମୃତି ଗୁଡିକ ସବୁ

ସତେଜ ଗୋଲାପ ଫୁଲ ହୋଇ

ଫୁଟି ଉଠୁଛି ।

ସେଇ ପ୍ରେମ ପ୍ରଣୟର ନିବିଡତା

ହୃଦୟ କନ୍ଦରରେ 

ଭୂମିକମ୍ପ ସାଜି 

ଆଲୋଡନ ସୃଷ୍ଟି କରୁଛି ।

ତୁମ ମଧୁଝରା ଗୋଲାପ ପାଖୁଡା ଓଠର

କୋକିଳ ପରି ମଧୁର ସ୍ବର କଥା

ବାରମ୍ବାର କାନରେ

ପ୍ରତିଧ୍ବନି ହୋଇ ଶୁଭୁଛି ।

ପରିଶେଷେ ତୁମର ମୋର

ପ୍ରେମ ବିରହକୁ

ଯନ୍ତ୍ରଣାର ମାପକାଠିରେ ମାପି ଦେଖିଲେ

ନୟନ ଯୁଗଳରୁ ଲୁହଧାର ଝରିପଡୁଛି ।

କାହିଁକି ନା,

ଏବେ ପୁଣି ଆମ ଶେଷ ଦେଖା 

ହୋଇଥିବା ସେଇ

ଫଗୁଣଟା ଫେରି ଆସିଛି ।