ବେଗେ ବିତିଯା' ଆରେ ଦିନ

ବେଗେ ବିତିଯା' ଆରେ ଦିନ

ମୋ ଘରେ ଖେଳିବ ପୁନେଇ ଜହ୍ନ -୨ଥର

ମୁଁ ବାପା ହେବି ମୋ ପ୍ରିୟା ମା' ହେବ -୨ଥର

ଖୁସିରେ ନାଚିବ ଆମ- 

ସଭିଙ୍କର ମନ

ବେଗେ ବିତିଯା'.....(ଘୋଷା)

ମୋ ପ୍ରିୟାକୁ ଯେବେ ସବୁ ଅରୁଚି ଲାଗିଲା

ଖାଇଲେ ଓଲଟି ହେଲା

ସେଦିନ ଜାଣିଲି ମୁଁ ଏଥର ମୋ ଭାଗ୍ୟ

ଶିକୁଳିଟା ଖୋଲିଗଲା

ଆମ ଅଗଣାରେ ବସିବ ଏଣିକି -୨ଥର

ଚବିଶି ଘଣ୍ଟିଆ ହସ-

ଖୁସିର ଦୋକାନ

ବେଗେ ବିତିଯା'.....(୧)

ଓଜନିଆ ଚିଜ କିଛି ଉଠାଇବାପାଇଁ

ଡାକ୍ତର କରିଛି ମନା

ଯେତେ ଇଚ୍ଛା ଭଲମନ୍ଦ ଖାଇବ ପିଇବ

ହେଳା କରିବନି ଜମା

ପାଣି ଓଟାରିବା ଶିଡ଼ିରେ ଚଢ଼ିବା -୨ଥର

ପ୍ରିୟାପାଇଁ ପୂରାପୂରି-

ହୋଇଛି ବାରଣ

ବେଗେ ବିତିଯା'.....(୨)

ମୋ ବୋଉ ଶୁଣିବ ଡାକ ଜେଜେମା' ବୋଲି

ନନା ହେବେ ଜେଜେବାପା

ଭାଇ ମୋର ହେବ ଦାଦା ଭାରିଯା ତା ଖୁଡ଼ୀ

ଭଉଣୀଏ ହେବେ ଅପା

ମୋ ଛୁଆକୁ ଧରି ଗେଲ କରିବାକୁ -୨ଥର

ଅମାନିଆ ମନ ଆମ-

ହେଲାଣି ଉଚ୍ଛନ୍ନ

ବେଗେ ବିତିଯା'.....(୩)