ବେବୀ ଓ ବାବା
ବେବୀ ଓ ବାବା
ବାବା ଶବ୍ଦର ମହତ୍ତ୍ଵ
ଠିକ୍ ବୁଝିଛି, ଯାହା ଅଙ୍ଗେ ନିଭାଇଛି
ସେ ଶବ୍ଦର କୁହୁକ ନୁହେଁ ଭୁଲିବାର
ସେ ଶବ୍ଦର ସମ୍ପର୍କ ଅତି ଆପଣାର
ଭୁଲି ହେବ ନାହିଁ ଏ ମର ଶରୀରେ ।
ତୋ କୋମଳ ଓଠ ଦୁଇ ଧାରେ
ଉଚ୍ଚାରିତ ବାବା ବାବା ଶବ୍ଦ
ପ୍ରଥମେ ଶୁଣିଛି, ଖୁସୀ ବି ହୋଇଛି
ବାତ୍ସଲ୍ୟ ଢେଉରେ ଭସାଇ ନିଜକୁ
ଭାସି ଗଲି ଖୋଜିବାକୁ ବାତ୍ସଲ୍ୟ ଚେହେରା
ଫେରି ମୁଁ ପାଇଲି
ମୋ ବiସ୍ଚଲ୍ୟ ରୂପ, ତୋ ଚପଳତାରେ ।
ମୋ ସହ ମିଛ ମିଛିକା ଅନା ବନା ଖେଳ
ଘର ସାରା କେତେ କୋଳାହଳ
ମିଛ ହସ ମିଛ କାନ୍ଦ ମିଛ ଭୁତ କଥା
ମିଛ ନୂଆ ବୋହୂ, ମିଛ ମାଆ ଗେଲ
ମିଛ କିନ୍ତୁ ମୋ ପାଇଁ ସତ
ଚିର ସ୍ମରଣୀୟ ସତ୍ୟ ।
ତୋ ପାଇଁ ଏତା ଆଣିଦେବି
ପରେ ପରେ ସେତା ଆଣିଦେବି
କହିଦେଲେ ଥରେ ଦୁଇଥର
ରାଜି ହୋଇଅଛୁ, ସବୁ ବୁଝିଗଲା ପରି
ଆଉ ଖୁସିରେ ମୁଁ ନାଚୁଥିଲି,
ଠକିଦେଲି ବୋଲି , ଠିକ୍ ସମୟରେ ।
ମୋ ନାନାବାୟା ଗୀତ ଆଉ ଗପ
ତୁ ହିଁ ଶୁଣିଛୁ
ହଁ ହଁ କହି, ଖୁସୀ ବି ହୋଇଛୁ
ମନଗଢା ହେଉ ଅବା ଖାଣ୍ଟି ମିଛ ଗପ
କେତେ ଶାନ୍ତି ସେଇ ମୁହୂର୍ତରେ
ଶୋଇପଡୁ ଯେବେ, ଗପ ଶୁଣି ଗୋଟିଏ ଲୟରେ ।
ତୋ ମାମା ସହ ଉଚ୍ଚବiଚ୍ଚ
ତୋ ପାଇଁ ଅସହ୍ୟ
ସବୁବେଳେ ମାମା ସପକ୍ଷରେ
ମୋତେ ବି ତାଗିଦ୍ କରିଛୁ
ଅଭିମାନେ କଥା କହି ନାହୁଁ
ବୁଝିଛି ତୋ ଅକୁହା କଥା
କିନ୍ତୁ, ବୁଝିପାରୁନାହିଁ କିମ୍ପା ଉଚ୍ଚବiଚ୍ଚ
ଟିକକ କଥାରେ ।
ମୋର ଆଉ ଦୁଃଖ କ'ଣ ଯେ
ତୁ ତ ଆନନ୍ଦ ଦେଇଛୁ
ହସାଇଛୁ ଦୁଃଖ ସମୟରେ
ଖେଳାଇଛୁ ବୋର୍ ଥିଲାବେଳେ
ନଚାଇଛୁ ପ୍ରତି ମୁହୂର୍ତ୍ତରେ
ଏବେ କିନ୍ତୁ ତୋ କଥା ହୃଦୟ ଭିତରେ ।
ତୋ ଓ ମୋ ର ପାର୍ଥକ୍ୟ
ସବୁ କିଛି ଅଦଳ ବଦଳ
ତୋ ଅଝଟ ଅମାନିଆ କଥା
ମୋ ରାଗ ମାଡ ଆଉ ଗାଳି
ତୋ ରାଗ ମାନ ଅଭିମାନ
ମୋ ମନ ଭୁଲା ମନଗଢi ଗପ
ଏବେ କିନ୍ତୁ ମିଳାମିଶା ହୃଦ କନ୍ଦରରେ ।
ତୁ କୁଆଡେ଼ ସେଇଠି ଅଭିମାନେ ଅଛୁ
ମୁଁ ଏଠି ନିଇତି ଝୂରୁଛି
ତୋ ଚାରିପାଖେ ଗହଳି ଲାଗିଛି
ନିରବେ ଏଠାରେ ତୋ କଥା ଭାବୁଛି
ବାବା ବାବା ଖୋଜୁଛୁ କି ନାହିଁ
ଏଠି ମୁଁ ପ୍ରଳାପ କରୁଛି.. ବେବୀ ଆଉ ବେବୀ ।