ବଦଳୁଥିବା ନିଆଁ
ବଦଳୁଥିବା ନିଆଁ
ସେଦିନ ନିଆଁ ଜଳୁଥିଲା ତୋ ଏନ୍ତୁଡ଼ି ଶାଳ ରେ
ତୋ ଗାଁ ପାଖ ଗାଁ ର ବୁଢ଼ୀ ଟି
ପୁଳା ପୁଳା ନିଆଁ ମାଡି ଦଉଥିଲା କପଡା ର ପୁଡା ରେ
ତୁ ନିଷ୍ପାପ ମନ ରେ ପାଦ ଦେଇଥିଲୁ ଏ ମାଟି ରେ
ମା କୋଳ ରେ ମଥା ରଖି କୁଆଁ କୁଆଁ କାନ୍ଦୁଥିଲୁ
ଘର ଟା ଫାଟି ପଡୁଥିଲା ଅମାପ ଖୁସି ରେ
ଜୀବନ ଟା ଛକି ଶୂନ ର ଖେଳ
ପୁରି ଯିବ ରେ ଧନ ଦିନେ ତୋ ବେଳ କାଳ
ଠିକ ସେହି ନିଆଁ ଦିନେ ପୁଣି ଜଳିବ
ଜୀବନ ର ସାୟଣଃ ପରେ ପରେ,
କିନ୍ତୁ ବଦଳି ଯିବ ସେ ନିଆଁ ର ନାଁ
ସେଦିନ ସେ ମାଆ ର କୋଳ ନଥିବ
ସେ ପାଖ ଗାଁ ବୁଢ଼ୀ ର ପୁଡା ନଥିବ
ଶ୍ମଶାନ ର ଭୂଇଁ ଥିବ
ଆଉ ଥିବ ଜୁଇ ର ବିଛଣା
ସେହି ନିଆଁ କୁ ପୁଣି ତୋରି ଆତ୍ମୀୟ ସ୍ୱଜନ କେହି ମୁଁହ ରେ ମାଡ଼ିଦେବେ
ଆଉ ତୋରି ପାଉଁଶ କୁ ନେଇ ଗଙ୍ଗା ରେ ଫୋପାଡ଼ି କିଛି ପୁଣ୍ୟ କରିନେବେ
ସେଇ ନିଆଁ ସେକ ଖାଇ ମାଟି ରେ ପାଦଦେଇଥିଲୁ
ସେଇ ନିଆଁ ସେକ ନେଇ ମାଟି ରେ ମିଶିଗଲୁ
କଣ ଆଣିଥିଲୁ ଆଉ କଣ ତୁ ନେଇଗଲୁ