ଲାଇବ୍ରେରୀ
ପ୍ରୋଫାଇଲ୍
ବଧେ ପ୍ରେମ ହୋଇଗଲା ମତେ
ବଧେ ପ୍ରେମ ହୋଇଗଲା ମତେ
1 min
246
ଅଳସୀ ଆଖିରେ ଆଖି ମୋ ମିଶିଲା
ହେଲି ପାଗଳପ୍ରେମୀ କି ସତେ
ତା ଆଗେ ଦୁନିଆ ରଙ୍ଗହୀନ ଲାଗେ
ବଧେ ପ୍ରେମ ହୋଇଗଲା ମତେ।
ଜହ୍ନ କାହିଁ ଲାଗେ ଅସୁନ୍ଦର ଏବେ
ସେ ରହିଲା କି ମୋ ମନଜଗତେ
ଇନ୍ଦ୍ରଧନୁ ରଙ୍ଗ ତା ଆଗେ ଫିକା ଫିକା
ବଧେ ପ୍ରେମ ହୋଇଗଲା ମତେ।
କୋଇଲି ର କୁହୁ ଲାଗୁ ନାହିଁ ମିଠା
ତା ସ୍ୱର ଲାଖିଗଲା କି ମୋ ଅନ୍ତେ।
ଇନ୍ଦ୍ରଧନୁ ରଙ୍ଗ ତା ଆଗେ ଫିକା ଫିକା
ବଧେ ପ୍ରେମ ହୋଇଗଲା ମତେ।
ବଗିଚା ର ଫୁଲ ବାସୁ ନାହିଁ ଆଜି
ତା ବାସ୍ନା ମନେ ରହିଗଲା ସତେ
ଭଅଁର ର ଗୀତ ଛନ୍ଦ ହୀନ ଲାଗେ
ବଧେ ପ୍ରେମ ହୋଇଗଲା ମତେ।
ସନ୍ଧ୍ୟା ନଈ ଦୃଶ୍ୟ ଲାଗୁନାହିଁ ଭଲ
ସିଂହରଣ ଜାଗେ ମୋ ରକତେ
ସକାଳର ସୂର୍ଯ୍ୟ ଲାଗେ ଶୋଭାହୀନ
ବଧେ ପ୍ରେମ ହୋଇଗଲା ମତେ।
ଜୀବନ ବାଟରେ ଏକା ବାଟୋଇଟେ
କେବେ ପଡ଼ିଗଲି ପ୍ରେମ ଗର୍ତ୍ତେ
ରୂପହୀନ ଲାଗେ ସାରା ଦୁନିଆ ତା ଆଗେ
ବଧେ ପ୍ରେମ ହୋଇଗଲା ମତେ।
