ବଢାଇବୁ ଦେଶ ଗର୍ବ

ସ୍ବା -ହେଇଟି ଶୁଭୁଚି, ଆସ ମୋ ପାଖକୁ

  କହିବି ଗୋଟିଏ କଥା,

   ସ୍ତ୍ରୀ-କହୁନ ମୁଁ ପରା ଉକୁଣି ବାଛୁଚି

    କୁଣ୍ଡାଇ କୁଣ୍ଡାଇ ମଥା।

 ସ୍ବା- ଭାବୁଥିଲି ବସି ଆମରି ଦେଶକୁ

  ଶୂନ୍ୟରେ ନେବି ଉଠେଇ,

   ସ୍ତ୍ରୀ -କଅଣ ଭାବିଛ ଅବୁଝା ମୋ ପାଇଁ

    କହିବ ଟିକେ ବୁଝେଇ।

ସ୍ଵା -ମୁଁ ବ୍ୟାଟସ୍ ମ୍ୟାନ୍ କ୍ରିକେଟ୍ ଟିମ୍ ର

  ତୁମେ କରୁଥିବ ବୋଲିଂ,

   ଉଇକେଟ୍ ବଡପୁଅ ସମ୍ଭାଳିବ

    ସାନ ଦାୟିତ୍ଵ ରେ ଫିଲ୍ଡିଂ ।

ଆମରି ସଂସାରେ ଗଢି ଏକ ଟିମ୍

  କରିବା ବିଦେଶ ଯାତ୍ରା,

   ହରାଇବା ପାଇଁ ପ୍ରତିପକ୍ଷ ଦେଶ

    ବଢାଇବୁ ଶ୍ରମ ମାତ୍ରା।

ସ୍ତ୍ରୀ - ହଇହୋ ! ସେପାଇଁ ଏଗାର ଖେଳାଳି 

  ହୁଏ ପରା ଆବଶ୍ୟକ,

   ପୂରା ଟିମ୍ ଟିଏ ଗଢ଼ିବା ପାଇଁକା

    ବୟସ ସାଧେ ବାଧକ।

ତମ ବଳ ଆଉ ବୟସ ଟା ଖାଲି

 ହେଉଅଛି ଛନଛନ,

  ଏ ବୁଢ଼ା ବୟସେ ଦାନ୍ତ ସିନା ନାହିଁ

   ଉଛୁଳୁଛି ଯଉବନ।

ଆଉ ଗୋଟେ ସ୍ତିରୀ ଆଣିବ ଯାଉନ

 ଗଢିବ କ୍ରିକେଟ ଟିମ୍,

  ବୃଦ୍ଧ କାଳେ ବାଲ୍ୟଲୀଳା କରୁଥିବ

   ଡେଲି ଯାଉଥିବ ଜିମ୍।