ବଡ଼ ହୋଇ ହୁଅ ଭଲ ମଣିଷ
ବଡ଼ ହୋଇ ହୁଅ ଭଲ ମଣିଷ
ଆଜି ରଜ ତୋର ଜନମଦିନ,
ଜଣାଉଛୁ ତେଣୁ ଅଭିନନ୍ଦନ ।
ତୁ ଗେଲବସର ପୁଅ ଆମର,
ତୋତେ ପାଇ ପୂରି ଉଠିଛି ଘର ।
ତୋର ଠାଣି ବାଣୀ କୌତୁକ ଯେତେ,
ଆନନ୍ଦ ଆମକୁ ଦିଅଇ କେତେ ।
ଖିଲିଖିଲି ହସ ଭାରି ସୁନ୍ଦର,
ଜାଣିଛୁ ତୁ ପରା କେତେ ହୁନ୍ଦର ।
ବାବାଙ୍କ ସାଥିରେ ଗେଲ ତୁ ହେଉ,
ଲୁଚକାଳି ଖେଳି ଆନନ୍ଦ ପାଉ ।
ପୋଷାକ ପିନ୍ଧାଇ ତୋ କଣ୍ଢେଇକୁ,
ଖୁସିରେ ଦେଖାଉ ଆମ ସଭିଙ୍କୁ ।
ବାବା,ମାମାଙ୍କର ନୟନମଣି,
ଦାଦାଜୀ, ଦାଦୀମା' ଜୀବନ ପୁଣି ।
ଚାଚା ,ଚାଚିଙ୍କର ଗେହ୍ଲା ତୁ ଅତି,
ବୁଆ ପାଇଁ ଖାଣ୍ଟି ସୁନାପୁଅଟି ।
'ରିଶାନ'ରେ ତୋତେ ଦେଉ ଆଶିଷ,
ବଡ଼ ହୋଇ ହୁଅ ଭଲ ମଣିଷ ।
ପାଠ ପଢ଼ା ସହ ଖେଳ କୌତୁକ,
ଏ ସବୁରେ ତୋର ରୁଚି ଅନେକ ।
ଜ୍ଞାନୀ ଗୁଣୀ ହୋଇ ରଖ ତୁ ଯଶ,
ମାଆ ଢାଳି ଦ୍ୟନ୍ତୁ ଶୁଭ ଆଶିଷ ।
ପଣତେ ଘୋଡ଼ାଇ ରଖନ୍ତୁ ତୋତେ,
ଦୂର ହୋଇଯାଉ ସଙ୍କଟ ଯେତେ ।