ଲାଇବ୍ରେରୀ
ପ୍ରୋଫାଇଲ୍
ବାଟୋଇର ଆଶା
ବାଟୋଇର ଆଶା
ବାଟ ସାରା ଶିଉଳି
ଖସିଗଲେ ପାଦ
ଅଥଳ ଅଚଳ ଆକୁଳ
ରକ୍ଷାକର ବନମାଳୀ
ବାଟସାରା ଖସଡ଼ା
ଖସିଗଲେ ପାଦ
ଚାରିପାଦ ଆଗକୁ
କି ଚାରିପାଦ ପଛକୁ
ମାନିବିନି ଅର୍ଦ୍ଦଳି କି ଅଡା
ଯୋଡ଼ିବେତ ଯେତେ ବାଡା
ବାଟ ଯଦି ଅମଡ଼ା
ଆଗେ ଆଗେ ଥିବ ତମେ
ପଛେ ପଛେ ମୁଁ ଗମେ
ବୁଲି ଚାହିଁଲେ ଦିଶିବ ମୋ
ସାକ୍ଷୀଗୋପାଳ ପଡା
ସେଇଠି ରହି
ବୋଲାଇବ ଗୋପୀନାଥ
ରାଧାରାଣୀ ଧରିଥିବେ
ହାତେ ଫୁଲତୋଡ଼ା
ବାଟ ଯଦି କଣ୍ଟକିତ
ହୁଏ ମୁଁ ଆତଙ୍କିତ
ଉଦ୍ଧାର ମୁଁ ଛାର ପତିତ
ତୁମେତ ମହା ଗଣିତ
ପୁଣି ଭାବର ସାହିତ୍ୟ
ମୁଁ ଯାହା ନିଉଛଣା
ବାଟ ଯଦି ଗୋଲାପର ଫୁଲ
କିଏ ବା କାହିଁ ଆସିବ
ତମ ଏ ଦେଉଳେ
ଶଙ୍ଖ ମଲମଲ ଅବା
ଦୀପ ମହମହ ଝୁଣା ଚହଚହ
ସେଥିପାଇଁ ତମ ହସରୁ
ଝରେ ମଲ୍ଲୀଫୁଲ
ଅସହାୟ ଅବଶ
ମୁଁ ଖୋଜେ ତାରାଫୁଲ
ଗୋସେଇଁ ଟିକେତ
ହାତ ଧରି ମୋର ଚାଲ
ବାଟ ସାରା କୁହୁଡି ରେ
ମୁଁ ଆକତାମାକତା
ବାଟ ସାରା ପଙ୍କିଳ
ପ୍ରଭୁ ଢାଳେ ପ୍ରଣତି ଘେନା କର
ବାଟ ସାରା ଫୁଲ ଯଦି
ଚନ୍ଦନ ସିନ୍ଦୂର ଅଗରବତୀ
ବାଟ ସାରା ଧୂପ
ଜୀବନ ବିତୁଥାଉ କରି ଜପ ତପ
ବାଟ ସାରା ଫୁଲ
କହ୍ନେଇଙ୍କ ଠାଣିରେ କିବା ଦେବି ମୂଲ
ବାଟ ସାରା ଦୁଃଖ
କେମିତି କହିବି ତୁମେ କଳାମୁଖ
ବାଟ ସାରା ଯଦି ସୁଖ
ନିଶ୍ଚୟ କହିବୁ ଆମେ ଆରତନାଶନ କଳାଶ୍ରୀମୁଖ
