ବାପୁଜୀ

ହେ ବାପୁଜୀ 

ଅର୍ଦ୍ଧ ଲଙ୍ଗଳା ଫକୀର 

କେଉଁ ଆଡେ ଚାଲିଗଲ 

ରାମରାଜ୍ୟ ସପନ ଦେଖେଇ ଦେଇ

  

ହେଲେ ଏଠି

ରାମ ବି ଅସ୍ତିତ୍ବର ଲଢେଇ ଲଢୁଛି

ରାମରାଜ୍ୟ ଆସିବ ବା କାହିଁ

ନୋଟରେ ତୁମ ମୁଣ୍ତ

ଚାରିଆଡେ ଗୋଲ ଚଷମା ଫଟୋ

ସ୍ବଚ୍ଛ ଭାରତର କଥା ଓ

ଗାନ୍ଧିବାଦର ଦ୍ବାହି

ଗଣତନ୍ତ୍ରର ଗରମରେ 

ଗରିବ ଜନତା

 କଳା ମଇଁଷି ଭଳି

ଜଳି ପୋଡି ଯାଉଛି

କୁନି ହାତରେ

 ମୁଠାଏ ଆଶାର ବାଲି

 ଧରିବାକୁ ଚେଷ୍ଟା କରି 

ବାରମ୍ବାର ହାରି ଯାଉଛି

ଆଉ ତୁମ ତିନି ମାଙ୍କଡ

ଆଖି କାନ ପାଟି ଖୋଲି ଦେଇ

ଦୁର୍ନୀତି ଉପରେ ଦୁର୍ନୀତି 

କରି ଚାଲିଛି ।