ବାପାଙ୍କ ଚିଠି

ସପ୍ତାହକୁ ବାପା ଲେଖୁଥିଲେ ଦୁଇଖଣ୍ଡ

ଯେଉଁ ଚିଠି,

ଚିଠିରେ ସାଇତା ପ୍ରତିଟି ଶବ୍ଦ ବିନ୍ୟାସ

ଏବେବି ହୃଦୟେ ରହିଛି ଲାଖି l

ଭାବିଛି କେତେ ମୁଁ ସେ ଚିଠି ସବୁକୁ ନେଇ

ବହିଟିଏ କରି ପରପିଢ଼ି ପାଇଁ

ରଖିଥାନ୍ତି କରି ସାକ୍ଷୀ l

ଚିଠିର ଭାଷା ଓ ସାହିତ୍ୟ ମଧ୍ୟରେ ଆଦେଶ

ଶ୍ରଦ୍ଧା ସ୍ନେହ ସବୁ ମାଖି

ମୋ ବାପାଙ୍କ ପୋଷ୍ଟ କାର୍ଡ, ଇନଲାଣ୍ଡ ଲଫାପା

ରଖିଛି ସମ୍ମାନ ଅତର ମାଖି l

ପୃଷ୍ଠା ଓ ଅକ୍ଷର କେତେକ ଲିଭି ଆସିଲାଣି

ତଥାପି ତା ପ୍ରତିଛବି

ସାମାଜିକ ସ୍ଥିତି ସାଂସ୍କୃତିକ ପରିସ୍ଥିତି ସମ୍ମିଳିତ

ଲୁହ ଲହୁରେ ଭରେ ଆଖି l

ସେଇବେଳ ସ୍ମୃତି ମନ ତଳେ କେଉଁଠି କେମିତି

ରହିଯାଇଛି ଛପି ଦେଖି

ଭାବେ ମୁଁ ବି ଲେଖିବି ସ୍ନେହ ପରଶରେ ଶ୍ରଦ୍ଧା ଭିତରେ

ମୋ ପିଲାଙ୍କ ପାଇଁ ଯିବି ରଖି l

ପିଲାଏ ହୁଡ଼ିବେନି ପଥ,ପାଥେୟ, ସଂସ୍କୃତି

ବୁଝେଇ ଯା ଯିବି ଲେଖି

ମୋ ନିଜ ପିଲା ନୁହେଁ ପ୍ରତିଟି ପିଲାର ମାଆ ହୋଇ

ନିଶ୍ଚୟ ଲେଖିବି ଶିଖି l

ଜବାହାର ଲାଲ ଲେଖିଥିଲେ ସର୍ବେ ଜାଣନ୍ତି

ଝିଅ ହେଲା ଉଜ୍ଜ୍ୱଳ ମୁଖି

ମୋ ବାପାଙ୍କ ଚିଠି ହୃଦୟ ଫଟାଏ ଶୃଙ୍ଖଳା ଶିଖାଏ

ମୁଁ ତ ଯାଇଛି ସମୟନୁବର୍ତ୍ତିତା ଦେଖି ଶିଖି l

ମୋ ଚିଠିରେ ଲେଖିବି ପ୍ରକୃତିକୁ ଭଲପାଇ

ସୃଷ୍ଟି ଓ ସ୍ରଷ୍ଟା ପସରସ୍ପରକୁ ନିଅ ପରଖି l