Library
Profile
ବାପା
ବାପା
ପିତା ଅଟେ ସତ୍ୟ
ପିତା ଅଟେ ଧର୍ମ
ପିତା ଯେ ସକଳ ଶକ୍ତି
ପରିଚୟ ପାଉ
ସମାଜ ଦୁଆରେ
ତାଙ୍କ ପାଦେ ରଖ ଭକ୍ତି ।
ପ୍ରଦୀପ ପରାଏ
ସେ ଯେ ତେଜିୟାନ
ବିଶାଳ ତାଙ୍କ ହୃଦୟ
ପିତା ପାଶେ ଥିଲେ
ସର୍ବ ଶକ୍ତି ମିଳେ
ଜୀବନ ଉଜ୍ଜ୍ୱଳମୟ ।
ନାରିକେଳ ପ୍ରାୟ
ଅଟେ ତାଙ୍କ ମନ
କଠିନ ମଧ୍ୟେ କୋମଳ
ସନ୍ତାନ ପାଇଁ ସେ
ସୁରକ୍ଷା କବଚ
ତାଙ୍କ ହିତାର୍ଥେ ବ୍ୟାକୁଳ ।
ଶ୍ରୀରାମ ଶ୍ରବଣ
ଭୀଷ୍ମ ପର୍ଶୁରାମ
ଥିଲେ ପିତାଙ୍କର ଭକ୍ତ
ତ୍ୟାଗ ଅନୁରାଗ
ସମ୍ମାନ ସରାଗ
ଦେଇ ହୋଇଛନ୍ତି ଖ୍ୟାତ ।
ଅଜାତଶତ୍ରୁ ଓ
ଡାକ ମୁନିସିର
ପିତା ପ୍ରତି ବ୍ୟଭିଚାର
ଇତିହାସ ପୃଷ୍ଠା
କଳଙ୍କିତ ସାକ୍ଷୀ
କରେ ସଦା ତିରସ୍କାର ।
ଆକାଶୁ ସୁରୁଜ
ଅସ୍ତମିତ ହେଲେ
ଆସଇ ଘୋର ତମସା
ସେହି ପରି ପିତା
ନ ଥିଲେ ପାଶରେ
ଗ୍ରାସେ ଜୀବନକୁ ଦଶା ।
ଦୁନିଆଁ ଆଲୋକ
ତାଙ୍କ ପାଇଁ ସିନା
ଦେଖୁଛୁ ସୁନ୍ଦର ଧରା
ଜନ୍ମି ନାହିଁ କେହି
ସନ୍ତାନ ମହୀରେ
ସୁଝି ଦେବ ଋଣ ପରା ।
ଆଜି ଏ ସମାଜ
ପରିଣତ କାଳେ
ପିତା ରହେ ବୃଦ୍ଧାଶ୍ରମେ
ଭୁଲି ଯାଏ ପୁତ୍ର
ପିତା ମହାନତା
ବୁଡି ମାୟାବିନୀ ପ୍ରେମେ ।
ହୁଅ ସଚେତନ
ହେ ପୁତ୍ର ନନ୍ଦନ
ନିନ୍ଦିତ ହୁଅନା କେହି
ପିତୃ ଦିବସରେ
କର ହେ ଶପଥ
ପିତା ଙ୍କୁ ଭୁଲିବା ନାହିଁ ।
ସୁଖ ଦୁଃଖ ସବୁ
ଲାଗଇ ସମାନ
ପିତା ତ ସରଗ ପୁର
ତାଙ୍କ ଚରଣରେ
ଭକତି ଭାବରେ
କରେ କୋଟି ନମସ୍କାର ।
