ବାପା ତୁମ ଗାଡି ସିଜ୍ ହେଲା

ବାପା ଆଣିଥିଲେ ଫଟଫଟିଆଟେ

 ନୂଆଁ ମୁଁ ଶିଖିବି ବୋଲି 

ଶିଖୁ ନ ଶିଖୁଣୁ ଲକ୍ଡାଉନ ହେଲା

ମନ ମରିଗଲା ଖାଲି ।

ଦିନେ ମୁଁ ଦେଖିଲି ସକାଳୁ ସକାଳୁ

 ପୁଲିସ ମାମୁଁ ତ ନାହିଁ 

ଭାବିଲି ଟିକିଏ ବଜାର ଆଡରୁ

 ଚୁପଚାପ ଆସିବି ଧାଇଁ ।

ଏମିତି ଭାବିକି କାହାକୁ ନକହି 

 ଗାଡିକୁ ଧରିକି ଗଲି

ଅଧା ବାଟ ମୁହିଁ ଯାଇଛି କି ନାହିଁ 

 ମାମୁଁ ତ ଆସିଲେ ଧାଇଁ ।

ପ୍ରଶ୍ନ ପରେ ପ୍ରଶ୍ନ ପଚାରି ଚାଲିଲେ 

 କେତେ ମୁଁ ମିଛ କହିବି

କହିଲି ପରୀବା ପାଇଁ ଆସିଥିଲି 

 ବୋଉ ମୋ କହିଲା ବୋଲି ।

ସରୁ ନ ସରୁଣୁ ମୋ ପାଟିରୁ ଉତ୍ତର 

 ଅଣ୍ଟାରେ ପଡିଲା ଠେଙ୍ଗା 

ବୋପାଲୋ ବୋଉଲୋ ହୋଇ ମୁଁ ଦୌଡ଼ିଲି

 ଉଡିଗଲା ମୋର ନିଶା ।

ପୁଲିସ ମାମୁଁ ଟା ଗର୍ଜି କି କହିଲା 

 ଆରେ ରେ ରଙ୍ଗିଲା ଟୋକା 

ପରୀବା ତୋ କାହିଁ ଖାଲି ତ ବସିଛୁ 

 ଭାବିଲୁ କି ଆମେ ବୋକା ।

ଗାଡି ମୋର ଟାଣି ପୁଲିସ ମାମୁଁ ଟା 

 ଥାନାକୁ ନେଇକି ଗଲା 

ଯେତେ ମୁଁ ନେହୁରା ହୋଇକି କହିଲି 

 ଜମା ସେ ତ ନଶୁଣିଲା ।

ଘରକୁ ଆସିଲି କାନକୁ ଆଉଁସି 

 ବାପା ପଚାରିଲେ କିସ ହେଲା

ଉଦାସ କଣ୍ଠରେ କହିଲି ବାପାଙ୍କୁ 

 ଗାଡି ତୁମ ସିଜ୍ ହେଲା ।

ବାପା ପାଟିକଲେ କୁଳାଙ୍ଗାରଟା ତୁ

 ଦେଖୁନୁ କିରେ ଖବର 

ବାରମ୍ବାର ସରକାର କହିବା ପରେ ତୁ 

 ଲୁଚିକିଆଁ ଘରୁ ବାହାର ।

ବୋଉ କାନି ଧରି କେତେ ମୁଁ କାନ୍ଦିଲି

 ମୁହଁ ସୁଉଁ ସୁଉଁ କରି

ବୋଉ ବୁଝାଇଲା କାନ୍ଦନା ବାପରେ

 ଆଉ ଭୁଲ୍ କରିବୁନି ।

ନିଜକୁ ବଞ୍ଚାଅ ଅନ୍ଯକୁ ବଞ୍ଚିବାକୁ ଦିଅ 

 ସୁରକ୍ଷିତ ରୁହ ଘରେ 

ଏହି କଥା ଟିକୁ ଏବେ ମନ୍ତ୍ର ବୋଲି ଜପ 

 ବଞ୍ଚି ରହିବୁ ତୁ ଯେବେ ।