Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

Sunanda Mohanty

Abstract


4  

Sunanda Mohanty

Abstract


ବାଲିତୃତୀୟା

ବାଲିତୃତୀୟା

1 min 33 1 min 33


ଓଁ ନମଃ ନମଃ ଶିବାୟ 

ବାରେ କ୍ଷମା କରି ଦିଅ 

କୋପେ ବର ଅବା ତପେ ବର 

ଯାହା ଦେବ ତାହା ଗ୍ରହଣୀୟ 

ତଥାପି ମାଗୁଛି କ୍ଷମା କରିଦିଅ ।


ଜାଣି ଜାଣି କେହି କରେନି ଭୁଲ 

ତଥାପି ଭୁଲର ଦଣ୍ଡ ଦିଅ ମତେ 

ପରିବାରକୁ ଘଣ୍ଟଘୋଡାଇ ସତେ

ହେ ଶିବ ନମଃ ନମଃ କରୁଣାମୟ 

ହେ ଶିବାପତି ବାରେ କ୍ଷମା ଦିଅ ।


ଏମିତିରେ ଆଜି ଭୋଗେ ଅଭିଶାପ 

ଭୁଲି ଗଲିଣି ମୁଁ ସବୁ ଜପ ତପ 

ସଂସାରେ ସଂସାରୀ ଯାଇଛି ହୋଇ 

ସଂସାର କୁ ରଖ ହେ ଦୟାମୟ 

କ୍ଷମା କର ନାଥ ବାରେ କ୍ଷମା ଦିଅ ।


ମୁଁ ଜାଣିଛି ତୁମେ ସବୁ ବୁଝିପାର 

ସେପାଇଁ ପା ମୋ ମନ ଗନ୍ତାଘର 

ଲୋଡ଼େ ସଦା ତୁମ ଆଶ୍ରୟ 

ରକ୍ଷାକର ବାରେ ଅନାଦି ଅନନ୍ତମୟ 

ଜଣାଣ କରେ ମୁଁ ଅତୁରେ କ୍ଷମାଦିଅ ।


କିଏ କହେ ତୁମେ ସଂହାରକର୍ତ୍ତା 

ମୁଁ ଜାଣିଛି ମୋ ଭାଗ୍ୟ ଵିଧାତା 

ତୃତୀୟ ନୟନ ଫେଡ଼ି ମୋ ପାଇଁ 

ରକ୍ଷାକର ବାରେ ସାଇଁ ଜଗତମୟ 

ପାଦେ ମୁଁ ପଡୁଛି ଥରେ କ୍ଷମା ଦିଅ ।


ସତୀ ଶିରୋମଣି ପାର୍ବତୀ ମାତ 

କାର୍ତ୍ତିକେୟ ସଙ୍ଗେ ଗଣନାଥ ପୁତ୍ର 

ସନ୍ତୋଷୀ ପରି କନ୍ୟା ପୂଜନ୍ତି ସର୍ବତ୍ର 

ଜୟ ମହେଶ୍ୱର ହେ ଶିବ ଜୟ ଜୟ 

ଗୁହାରି କରୁଛି କ୍ଷମା କରିଦିଅ ।


ବାଲିତୃତୀୟାରେ ତୁମରି ଏ ବ୍ରତ 

କରି ସାଧବାଏ ଜିଣନ୍ତି ସାରା ଜଗତ 

ସାହା ହୁଅ ନାଥ ମନ ଓ ହୃଦୟ ଶତତ 

ତୁମ ପାଦପଦ୍ମ ଧ୍ୟାୟି ନିତ୍ୟ ମହାକାୟ

ମିନତି ମୋହର ବାରେ କ୍ଷମା ଦିଅ ।


ଶୁଭେ ହୁଳହୁଳି ଘଣ୍ଟ କାହାଳୀ 

ସ୍ୱର୍ଗରୁ ଦେବଦେବୀ ଦେଉଛନ୍ତି ତାଳି 

ମେଳ ହୋଇ ଦେଖ ବାଳା ଓ ବାଳି 

ପୂଜିବେ ତୁମକୁ ହେ ତ୍ରୟୀଲୋକ୍ୟମୟ 

ମିନତି ମୋହର କ୍ଷମା ବାରେ କରିଦିଅ ।।


Rate this content
Log in

More oriya poem from Sunanda Mohanty

Similar oriya poem from Abstract