ଲାଇବ୍ରେରୀ
ପ୍ରୋଫାଇଲ୍
ବାଧ୍ୟକ୍ୟ
ବାଧ୍ୟକ୍ୟ
ଖୋଜିବାରେ ସମୟ ହଜିଯାଇଛି
ମେଳରେ ଲୁଟିନେଇଛି ପକେଟମାରୁ
ବେଳ ବୁଡି ଯାଉଛି
ସଂଜ ମାଡି ଆସୁଛି
ରାତିହେଲେ ବାଟଭୂଲିଯିବା ଭୟ
ଫେରିବାକୁ ପଡିବ କୁଡ଼ିଆକୁ
ପରିବାରଲୋକେ ଖୋଜିବାକୁ ଆସିବେ
ଆଖିରେ ଅନ୍ଧାର ଆଳୁଅର ଲଢେଇ
ବେଳେବେଳେ ଘୁରୁଛି ପୃଥିବୀ
କାନ ଯାହା ଶୁଣୁଛି କେବଳ କୋଳାହଳ
ଇନ୍ଦ୍ରିୟ ଗୁଡିକ ଖାପଛଡା ଦେଲେଣି
ଦାନ୍ତ ରୁ କେବେଠାରୁ ଆଶା ଗଲାଣି
ଅଦରକାରୀ ହେଲାଣି ନଥିପତ୍ର
ପୁରୁଣା ବସ୍ତ୍ର ଢିଲାହେଲାଣି
ଜମାଖାତାରୁ ଫେରିଲାଣି ମୋହ
ହିସାବ ଏବେ ଦେହଉପରେ
ସକାଳୁ ଗରମ ଜଳରେ ପାନ କି ସ୍ନାନ
ଜଗିରଖି ଭୋଜନ,ମିଠା ଖଟାରେ ଜିଭ
ଚଳୁନିରାଗ ତୁଣ୍ଡକୁ ମୁଣ୍ଡ ରେ ଖେଳୁଛି କାଶତଣ୍ଡି ଢେଉ
ଟଳ ମଲ ଗୋଡ଼ରେ ହାବୁଡି ଯାଉଛି ହିଡ
ଅଟକିଯାଉଛି ଅଣ୍ଟାରେ ପବନ
ହଟିଯାଉଛି ସାହସ
ଦିନ ବାର ମାସ ପାସୋରିଯାଉଛି
ହୋମିଓପଥୀ,ଆୟୁର୍ବେଦିକ ଓସଦରେ ନଜର
ମାନେପଡୁଛି ସାଙ୍ଗସାଥି ମେଳ
ପଢିବାକୁ ପୁରାଣ ଭାଗବତ
ହଜିଯିବାକୁ କୀର୍ତ୍ତନ ଭଜନର ତାଳରେ
ବୁଡିଯିବାକୁ ନିରୋଳା ମୁହୃତରେ
ପୋଲିସ ହୋଇ ଖୋଜୁଛି ଚୋରକୁ ଯମ
ଚୋର ବି ଲୁଚୁଛି ଡିଆଁ ମାରି
ଦିନେ ଭେଟାଭେଟି ହେବ
ପାଚିଲା ତାଳ ଝଡିପଡିବ
