ଲାଇବ୍ରେରୀ
ପ୍ରୋଫାଇଲ୍
ବାବୁ ଟଙ୍କାଟିଏ ଦିଅ
ବାବୁ ଟଙ୍କାଟିଏ ଦିଅ
1 min
145
ସହରର ଗଳି କନ୍ଦି
ରେଳଷ୍ଟେସନ ହେଉକି
ବସଷ୍ଟାଣ୍ତ ନିକଟରେ
ମଣିଷର ବ୍ୟସ୍ତତା ଭିତରେ
ନଜର ପଡିଯାଏ
ହାତପାତି ମାଗୁଥିବା
ଭିକୁକଟି ଉପରେ।
ଛିଣ୍ତା ଅଧାଜାମା ପ୍ୟାଣ୍ଟ ପିନ୍ଧି
ବୁଲୁଥାନ୍ତି ହାତରେ ଛିଣ୍ତାମୁଣି ଧରି
ଧାଇଁ ଆସି ମାଗନ୍ତି
ବାବୁ ଟଙ୍କାଟିଏ ଦେବ ?
କାଲିଠୁ କିଛି ଖାଇନି
ନ ଦେଲା ପର୍ଯ୍ଯନ୍ତ ଛାଡନ୍ତିନି ।
ବ୍ଯସ୍ତତା ମନ ଭିତରେ
ମାଗୁଥିବା ଭିକୁକର ଅବସ୍ଥା ଦେଖି
କେବେ ମନେହୁଏ ପକେଟରୁ
ଟଙ୍କାଟିଏ କି ଦୁଇଟଙ୍କା
ତା ହାତକୁ ବଢାଇ ଦିଏ
କେବେ କେବେ ବିରକ୍ତ ମନରେ
କହିବାକୁ ପଡେ
ମା" ତୁ ସକାଳୁ ସକାଳୁ
ବିରକ୍ତ କରେନି ଚାଲିଯାଆ ।
ଯେତେ ସବୁ ନୂଆ ଯାତ୍ରି ଆସନ୍ତି
ଟଙ୍କାଟିଏ ମାଗିବାରେ
ସେମାନଙ୍କ କୁଣ୍ଠାବୋଧ ନଥାଏ
ଫୁଟପାଥ,ବସଷ୍ଟାଣ୍ତ ରେଲ ଷ୍ଟେସନରେ
ନିଜର ଆଶ୍ରୟ ମାଗିଥିବା ଭିକୁକଟି
ପୁଣିଥରେ ତାର କର୍ମ କରିଚାଲେ
ସକାଳୁ ସକାଳୁ ସେଇ ମୁଣିଧରି
ବାବୁ ଟଙ୍କାଟିଏ ଦିଅ ।
