ଅସୁବିଧା
ଅସୁବିଧା
ଆସଇ ଜୀବନେ ବହୁ ବାଧାବିଘ୍ନ
ଅସୁବିଧା ଭୟଭ୍ରାନ୍ତି
ହୁଏ ସମ୍ମୁଖୀନ ସାହସୀ ମଣିଷ
ଧୈର୍ଯ୍ୟ ପ୍ରତ୍ୟୁତ୍ପନ୍ନମତି ।
ଜୀବନ ନୁହଁଇ ତୂଳିତଳ୍ପ ଶଯ୍ୟା
ପୁଷ୍ପପରି ସୁକୋମଳ
ମିଳିଯିବ ସବୁ ସହଜ ସୁନ୍ଦର
ଭାବିଦେଲେ ହେବ ଭଲ ।
ନିଜକୁ ନିଶ୍ଚୟ କରିବାକୁ ହେବ
ନିଜ ଲକ୍ଷ୍ୟ ପଥ ସ୍ଥିର
କର୍ମ ଓ କର୍ତ୍ତବ୍ୟ କରିଲେ ଉଚିତ
ହାସଲ ହୋଇବ ଫଳ ।
ଜାଣିନାହିଁ ଯିଏ ଜୀବନ କୈ।ଶଳ
ଚଢି ପାରିବନି ଗଛ
ଉଚ୍ଚିଷ୍ଟ ଫଳକୁ ଖାଇବ ଗୋଟାଇ
ଭାଗ୍ୟ ତା ଡାମରା କାକ ।
କଠିନ ସାଧନା ପରିଶ୍ରମ ବଳେ
ଉପାର୍ଜିତ ସତ ଧନ
ଜୀବନ ସ°ଗ୍ରାମେ ହୁଏ ଉପଲବ୍ଧ
ମଣିଷ ହୁଅଇ ଧନ୍ୟ ।
ଆସୁ ଶତ ବାଧା ଯେତେ ଅସୁବିଧା
ଦେବା ନାହିଁ ପଛଘୂଞ୍ଚା
ଦେଖାଇବା ନିଜ କର୍ତ୍ତବ୍ୟ ନିଷ୍ଠତା
ସୁପୁରୁଷ ପରାକାଷ୍ଠା ।