ଅସ୍ଥିର ଭାବନା ହେତୁ
ଅସ୍ଥିର ଭାବନା ହେତୁ
ଏମିତି ସମୟ ଆସିଛି ସଂସାରେ
ବହୁ ଗ୍ଲାନି ସାଥେ ନେଇ,
କାହାରି ଦିନ ତ ଭଲରେ କଟେନା
ଅସ୍ଥିରତା ଲାଗେ ରହି ।
ମଣିଷର ମନ ସଦା କଳୁଷିତ
ଆପଣା ସ୍ୱାର୍ଥକୁ ନେଇ,
ଅନ୍ୟ ସାଥେ ସଦା ତୁଳନା ନିଜକୁ
କରୁଥାଏ ଇର୍ଷା ବହି ।
ସାହି ପଡିଶାରୁ ଦେଶ ଦେଶ ମଧ୍ୟେ
ତିକ୍ତ ସମର୍କର ସ୍ଥିତି,
ଯାହା ସୃଷ୍ଟିକରି ଅସ୍ଥିର ଭାବନା
କରିଥାଏ ବହୁ କ୍ଷତି ।
ଅସ୍ଥିର ଭାବନା ଯୋଗୁ ହୋଇଥାଏ
ପ୍ରତିକାର୍ଯ୍ୟ ତ୍ରୁଟିଯୁକ୍ତ,
ବୁଝି ପାରେ ନାହିଁ ନିଜ ଦୋଷ ବୋଲି
ଅନ୍ୟେ କରେ ଅଭିଯୁକ୍ତ ।
ଜୀବନେ ବଢିଲେ ଅଭାବର କାୟା
ଅସ୍ଥିର ହୁଅଇ ମନ,
କାମ ମିଳେନାହିଁ ରୁଚି ଅନୁଯାୟୀ
ବିବ୍ରତ ହୁଏ ଜୀବନ ।
ବହୁଳ ଭାବରେ ମଦ୍ୟପାନେ ହୁଏ
ସମାଜ ଯେ କଳୁଷିତ,
ଅସ୍ଥିର ଭାବନା ହୋଇଥାଏ ସୃଷ୍ଟି
ମଣିଷ ଯେ ପଥଭ୍ରଷ୍ଟ ।
ଅତ୍ୟନ୍ତ ଅସ୍ଥିର ଭାବାବେଗ ଯୋଗୁ
ସୃଷ୍ଟିହୁଏ ନାନା ରୋଗ,
ତେଣୁ ସ୍ଥିର ମନେ ବଞ୍ଚିଲେ ଜଗତେ
ହୋଇଥାଏ ସୁଖ ଭୋଗ ।