ଅଶ୍ରୁ ତର୍ପଣ
ଅଶ୍ରୁ ତର୍ପଣ
ଭଗତ ସିଂହ ନାମ ନୁହେଁ ଏକ ଜ୍ଵଳନ୍ତ ଅଗ୍ନି ଶିଖା
ଭାରତ ଆକାଶ ଉଦୟ ଭାନୁ ଆଲୋକ ରଶ୍ମି ରେଖା ।
କ୍ରାନ୍ତି ସଂଗ୍ରାମ ମଶାଲ ସେପୁଣି ଦୁର୍ମିଳ ଧମକେତୁ
ଧ୍ଵଂସେ ତାଣ୍ଡବ ରଚନା କରଇ ନାଁ-ଶୁଣି ଥରେ ଶତ୍ରୁ ।
ଅବିଛିନ୍ନ ଭ୍ରତଖଣ୍ଡ ଲାହୋର ଜନ୍ମିତ ଷଠୀ ଘର
ମୁକ୍ତି କାମନା ସ୍ଵାଧିନ ପତାକା ପାଇଁ ଉତ୍ସର୍ଗେ ଶୀର ।
କିଶନ ସିଂ,ବିଦ୍ୟାବତୀ ଙ୍କ ଗଳାହାର ନେତ୍ର ସଂଖାଳି
ହୁସେନାଓ୍ଵାଲ ସୁଟୁଲେଜ କୂଳେ ଢାଳେ(ମୁଁ)ଅଶ୍ରୁ ଅଞ୍ଜଳୀ ।
ଯୁବ ସମାଜର ନବ ଜାଗରଣ ପ୍ରତୀକ ଭଗତ ସିଂ
ସୁବାଷ ବୋଷ୍ ବାଣୀ ଏ ଅଟେ ଏହା ମୁହିଁ କହୁନାହିଁ ।
ସେ ଏକ ଯୁଦ୍ଧ ବିମାନ ଏପ୍ରାନ୍ତୁ ସେ ପ୍ରାନ୍ତେ ବିସ୍ତାରିତ
ସେ ଏକ ବିଦ୍ୟୁତ୍ ଅଗ୍ନି ଶିଖା ଜାଳିଦିଏ ତତ୍-କ୍ଷଣାତ୍ ।
ଜଓ୍ଵାହାର ଲାଲ ମୁଖ ନିସୃତ “ସେ ଏକ ଶକ୍ତ ବୋମା
ଇଂରେଜ ଶାସକ ଗର୍ବ ଭାଙ୍ଗି ବତାଇଲା ପରିସୀମା ।
ଅଳ୍ପ ଆୟୂକାଳ ଅନେକ ଗଳ୍ପର ଇତିହାସ ତୁମେ” ତୁମେ-
ବିଶ୍ଵ ଦରବାର ନିଶିଥ ସୂର୍ଯ୍ୟ ଉଦିତ ଆର୍ଯ୍ୟଭୂମେ ।
ବାର ବର୍ଷର ବାଳୁତ ହୃଦ ଦୃଶ୍ୟ ଦେଖି ବିଗଳିତ
ଜାଲିଓ୍ଵାନା ବାଗ ହତ୍ୟା କାଣ୍ଡରୁ ରକ୍ତ ହେଲା ଉତ୍-କ୍ଷିପ୍ତ ।
ଇଂରେଜ ବିରୁଦ୍ଧେ ବିପ୍ଳବ ପାଇଁ ଶପଥ ନେଇଥିଲା
ଜାତି ସ୍ଵାଧିନତା ସଂଗ୍ରାମ ଭୂମେ ଗର୍ଜନେ ସିଂହ ପିଲା ।
ଫାସିଖୁଣ୍ଟ ତଳେ ସହାସ୍ୟେ ଇନ୍-କିଲବ ଜିନ୍ଦାବାଦ
ଉଚାରଣ କରେ ବାରମ୍ଵାର ମନେ ନାହିଁ ତିଳେ ଖେଦ ।
ଥରାଇଲା ଗୋରା ଦରବାର ସେ ଗର୍ଜନ ତୂର୍ୟ୍ୟ ନାଦ
ଭାରତ ସ୍ଵାଧିନ ସଂଗ୍ରାମ ଭୂମେ ବିପ୍ଳବୀ ସତ୍ୟସନ୍ଧ ।
ମରି ବି ଅମର ସହିଦ୍ ତୁମ ନାମେ ଜୈତ୍ରୀ ଉଡଇ
ଜାବତ୍ ଚନ୍ଦ୍ର ସୂର୍ଯ୍ୟ ଥିବେ ଗାଉଥିବ ସେନାମ ମହୀ ।