ଲାଇବ୍ରେରୀ
ପ୍ରୋଫାଇଲ୍
ଅସହାୟ ବିଜ୍ଞାନ
ଅସହାୟ ବିଜ୍ଞାନ
1 min
18
ଛେଳି ଗୋଟିଏ ବାଟେ ମରିଗଲେ ନିରଞ୍ଜନ ସାହୁ
ସମସ୍ତେ ଆସନ୍ତି ଧାଇଁ
ମଣିଷ ଗୋଟିଏ ବାଟେ ମିରିଗଲେ
ଯାଆନ୍ତି ମୁହଁ ଆଡେଇ.....
ମଣିଷ ଆଜି ଘୃଣିତ ହୋଇଲା
ମଣିଷ ମଣିଷ ପାଇଁ
ସାମାନ୍ୟ ଭୂତାଣୁ ତୁଣ୍ଡି ମାରିଦେଲା
ମଣିଷ ମୁହଁରେ ନେଇ....
ଭୂତାଣୁ ଭୟରେ ମଣିଷେ ମଣିଷ
କାହାକୁ ଛୁଅନ୍ତି ନାହିଁ
କଥା ହେବାପାଇଁ ସମସ୍ତେ ଡରନ୍ତି
ନିଜ ସାଙ୍ଗ ସାଥି ହୋଇ
କିଏ ମରିଗଲେ ଆସନ୍ତିନି କିଏ
ମଶାଣିକୁ ଯିବା ପାଇଁ
ବନ୍ଧୁବାନ୍ଧବ ସମସ୍ତେ ନାଚାର
ମାନବ ସମାଜ ପାଇଁ
ମଣିଷର ଶବ ଅଲୋଡ଼ା ହୋଇଲା
ଦୁର୍ଲ୍ଲଭ ଜୀବନ ପାଇ
ଦୁର୍ଲ୍ଲଭ ଜନମ ହୀନିମାନ ହେଲା
ସାମାନ୍ୟ ଭୂତାଣୁ ପାଇଁ.....
ସମ୍ପର୍କରେ ଆଜି ଭଟ୍ଟା ପଡିଗଲା
ଭୂତାଣୁର ଦ୍ୱାହି ଦେଇ
ବନ୍ଧୁ ବାନ୍ଧବଙ୍କ ବାଟ ପଡିଗଲା
ଭୂତାଣୁର ଡର ପାଇଁ....
ଘୃଣିତ ଜୀବନ ମଣିଷ ହୋଇଲା
ଆଧୁନିକ ଯୁଗ ହୋଇ
ବିଜ୍ଞାନ ବି ଏଠି ଅସହାୟ ହେଲା
ମଙ୍ଗଳ ଗ୍ରହକୁ ଯାଇ......
