ଅଶାନ୍ତ ମନ
ଅଶାନ୍ତ ମନ
ମନ ମାରି ଦେବା
ସମାଧାନ ନୁହେଁ
ଜୀବନର ଚଲା ପଥେ
ଭୁଲ ବୁଝାବଣା
ସୁଖ ସାରିଦିଏ
ନିଜ ମରଣ ନିଜ ହାତେ
ଦୁଃଖ ତ ଆଣଇ
ସୁଖକୁ ପାଛୋଟି
ସମୟର ତାଳେ ତାଳେ
ସୁଖ ପରେ ଦୁଃଖ
ଦୁଃଖ ପରେ ସୁଖ
ଆସୁଥାଏ କାଳେ କାଳେ
ସାମୟିକ ଦୁଃଖେ
ବ୍ୟତିବ୍ୟସ୍ତ ହୋଇ
ଭାଙ୍ଗି ପଡ଼ିଥାଉ ଆମେ
ଏ ବ୍ୟତିବ୍ୟସ୍ତ
ଆସେ କୋଉ କାମେ
ତୁମେ ତ ବୁଝିନ
ମନକୁ ମୋର
ମନେ ଅସୁମାରୀ ଝଡ଼
ତ୍ୟାଗ କଲ ସବୁ
ମୁଖ୍ୟ ସମ୍ଭୋଗ
ଭାବି ଏକା ଏକା ବଡ଼
ଜୀବନ ଏମିତି
ଦୁଃଖ ଜରିଆରେ
ଭସାଇବ କେତେ ଦିନ
କି ଲାଭ ମିଳିବ
ଦୂରେଇ ଏମିତି
ଦୁଃଖରେ ମାରିକି ମନ ।