ଅର୍ପଣ

ଅର୍ପଣ ବେଳେ ଚନ୍ଦନ ତୁଳସୀ ଜଳେ

ତୁମ ମୁହଁ ଢଳଢଳ

ସମୁଦ୍ର ଆଜି ଚିଲିକା ପରି

ଶାନ୍ତ କଳକଳ

ତୁମ ଦୁଇ ଆଖିରେ ନୀଳ ଦରିଆ

ଦିଶୁଛି ଛଳଛଳ

କେଉଁ ଯାଦୁରେ ବନ୍ଦୀ କଲ

ଆଖିରେ ଏତେ ନୀଳ

ଟୋପାଏ ମାଖି କିଏ ଲେଖିଛି ଦେଖି

ଜୀବନ ଦୁଇ କୂଳ

ମନ ହୃଦୟେ କରିଛି ବନ୍ଦୀ ଓ ସନ୍ଧି

ନାହିଁ ଯା ଥଳକୂଳ

ତୁମ ମଥାର ମଣି ଦେଖାଏ ଠାଣି

ଟାହିଆ ଟଳମଳ

ପହଣ୍ଡି କରି କେ ନେବ କୁହ ତୁମକୁ

ଦାରୁ ଦିଅଁଙ୍କ ବାଙ୍କଚୁଳ 

ସେଵା ଯୋଗାଇ ସେବାୟତ ଭାଇ

ପାଏନି ଯଦି ମୁନ୍ଦେ ଜଳ

ନୀଳ ସାଗର ନୀଳ ଆକାଶେ ନେଳିଆ ପକ୍ଷୀ

କରୁଛି ଗୋଳମାଳ

ଭକ୍ତି ଭାବରେ ଭକ୍ତ କହୁଛି

ଧରିଥା ଧଣ୍ଡାମାଳ

ପଥର ଲାଗେ ପତର ପରି ଏଠାରେ 

ଲାଗିଲେ ଜଗା ପ୍ରେମ ନୀଳ

ନୀଳ ରଙ୍ଗରେ ଏତେ ଫେନିଳ

ଆଖି ଲୋତକେ ଛଳଛଳ କାଳକାଳ ।।