💐💐ଅପୂର୍ବ ରଙ୍ଗର ପର୍ବ💐💐

ଯୁଗେ ଯୁଗେ ତୁମେ ଅବତାର ହୁଅ

ପାପି ନାଶି ଭକ୍ତ ଉଧାର କର,

ଭକ୍ତଙ୍କର ଡାକ ଆଦରେ ଶୁଣଟି

ଅସମ୍ଭବ କାର୍ଯ୍ୟ ସମ୍ଭବ କର।୧।

ହୋଲିକା ରାକ୍ଷସୀ ଅତ୍ୟନ୍ତ ଦୃର୍ଦ୍ଦାନ୍ତ

ଅଗ୍ନିରେ ମରଣ ନାହିଁଟି ତାର,

ବରଦାନ ତାର ବିଫଳ କରିଲ

ଭକ୍ତ ପ୍ରହ୍ଲାଦକୁ ରଖିଲ ତର।୨।

ସେହି ଦିନ ଠାରୁ ପବିତ୍ର ଭୂମିରେ

ଆବିର୍ଭାବ ହୁଏ ହୋଲିର ପର୍ବ,

ଖୁସି ଆନନ୍ଦରେ ରଙ୍ଗହିଁ ଖେଳନ୍ତି

ହୋଲିକା ଦହନ ସତ୍ୟର ପର୍ବ।୩।

ଫଗୁଣ ମାସର ପୂର୍ଣ୍ଣିମା ତିଥିରୁ

ରଙ୍ଗ ପର୍ବର ସତ୍ୟ ପର୍ବ ହୁଏ,

ଖୁସି ଉଲ୍ଲାସରେ ସମ୍ପୂର୍ଣ୍ଣ ସଂସାର

ବିଜୟୀ ପର୍ବଟି ଆରମ୍ଭ ହୁଏ।୪।

ଦେବ ସ୍ଥାନ ସବୁ ସୁସଜ୍ଜିତ ହୁଏ

ସଙ୍ଖ ଧ୍ବନି ସ୍ବରେ ଗୂଞ୍ଜନ କରେ

ବାଦ୍ୟଯନ୍ତ୍ର ସବୁ ଗୁଞ୍ଜି ଉଠେ ପୁଣି

ସତ୍ୟର ରଙ୍ଗର ଦର୍ଶନ କରେ।୫।

ନାରାୟଣ ଶବ୍ଦ ଗୁଞ୍ଜି ଉଠୁଥାଏ

ଜଗନ୍ନାଥଙ୍କର ଭକ୍ତିର ପାଇଁ,

ପ୍ରହ୍ଲାଦଙ୍କ ପରି ଭକ୍ତି ଦିଅ ପ୍ରଭୁ

ନିସ୍ବାର୍ଥ ଭକ୍ତିହିଁ ପାଇବା ପାଇଁ ।୬।

ନିସ୍ବାର୍ଥ ଭକ୍ତିରେ ପ୍ରଭୁ ଶ୍ରୀଚରଣ

ପ୍ରଭୁ ଭକ୍ତି ଅଟେ ଅପୂର୍ବ ଏହି,

ଜଗନ୍ନାଥ ଭକ୍ତି ନିସ୍ତାରଣ ଦ୍ବାର

ଜୀବନ ଆଧାର ଜୀବନେ ସେହି।୭।

ଯୁଗେ ଯୁଗେ ତୁମେ ଅବତାର ହୁଅ

ପାପି ନାଶି ଭକ୍ତ ଉଧାର କର,

ଭକ୍ତଙ୍କର ଡାକ ଆଦରେ ଶୁଣଟି

ଅସମ୍ଭବ କାର୍ଯ୍ୟ ସମ୍ଭବ କର।୮।