ଅପରାଧି ନିଶାର୍ଦ୍ଧର
ଅପରାଧି ନିଶାର୍ଦ୍ଧର
ତତେ ଦେଖି ଗଢିଥିଲି
ସପନର ସୌଧ
ଭାଙ୍ଗି ଗଲା ସବୁସ୍ଵପ୍ନ
କାଳର କରାଲେ
ହେଲା ନାହିଁ ଶବ୍ଦ।
ତୁ ସେଇ ସ୍ୱାଗତିକା
ପାରୁଛି କି ଭୁଲି,
ମନେ ପଡେ ସେଦିନର କ୍ଳାନ୍ତି
ସର୍ବାଙ୍ଗ ଶରୀର ଆଜି
ଯାଉଛି ଦୋହଲି।
ମୁଁ ଅନୁରକ୍ତ,
ନୁହେଁ ଅନୁତପ୍ତ
ଆଜି ବି ଉଜାଗର,
ହେଇନାଇଁ କ୍ଲାନ୍ତ ।
ନିଶ୍ଚିନ୍ତ ଦିଶାହୀନ,
ଯାଯାବର ନୁହେଁ
ଭାବିନେ ମୁଁ ଭକ୍ତାଶ୍ରିତ,
ନଥିଲି ଅଣାଶ୍ରିତ ।
ନିଶାଚର କହିପାରୁ,
ଅପେକ୍ଷା କରିଛି
ଆସୁଛି ଅଭିସାରିକା ,
ପିପାସୁ ପ୍ରେମିକ ଅଭିଶପ୍ତ ବି
ତୋ ସାନିଧ୍ୟ ଅପେକ୍ଷାରେ ।
କ୍ଷମା ଚାହେଁ
ତତେ ଚାହିଁବା ଅପରାଧର।