ଅପେକ୍ଷା
ଅପେକ୍ଷା
ଜହ୍ନକୁ ମାଗିଲି ଟିକିଏ ହସ ମୁଁ ହସିଦେଇ ଚାଲିଗଲା
ରାତିକୁ ମାଗିଲି ମୁଠାଏ ସପନ ସକାଳ ସଅଳ ହେଲା ।
ଫୁଲକୁ ମାଗିଲି କୋମଳତାକୁ ଟିକେ ରଙ୍ଗେଇବା ପାଇଁ ଦେହ
ମୁରୁକି ହସି ସେ ମୁହଁ ମୋଡ଼ିଦେଲା ସମ୍ଭାଳି ନ ହେଲା କୋହ ।
ପକ୍ଷୀକୁ ମାଗିଲି ଅନନ୍ତ ଆକାଶ ଟିକିଏ ଅଳପ ସ୍ଥାନ
ଉଡିଗଲା କେଉଁ ଘର ବନସ୍ତକୁ ନ ଦେଇ ତାହାକୁ ଧ୍ୟାନ ।
ଆକାଶକୁ ଦିନେ ମାଗିଲି ବିସ୍ତୃତି ହାତକୁ ଅଳପ ଦିଅ
ଚାହିଁଲାନି ଥରେ ପାତି ସେ ଶ୍ରବଣ ଭସାଉଛି ଭବ ସୁଅ ।
ସମୀରକୁ ଦିନେ ମାଗିଲି ନିଃଶ୍ୱାସ ଟିକିଏ ଛୁଇଁଦେଇ ଗଲା ଚାଲି
କହିଲା ସଧିରେ ଶୟନେ ସର୍ବଦା ରହିବାଟା ଯାଅ ଭୁଲି ।
ମାଗିଲି ଧରାକୁ ମାଟିକୁ ମୁଠାଏ ମୁଣ୍ଡରେ ବୋଲିବି ବୋଲି
କୋଳେଇ ନେଲା ସେ ଦେଇ ପ୍ରତିଶ୍ରୁତି ହୃଦୟ ଦରଜା ଖୋଲି ।
ବିଶାଳ ପଣତ ପାତି ଦେଇଅଛି ମୋ ଠାରୁ କଳି ସର୍ଜନ
ଝରିପଡୁ ଯେବେ କୋଳେ ତୋଳି ନେବି ଦେଖୁ ତା ମିଠା ସପନ ।