ଅନଲାଇନ ଆସର

ପାଠ ଠୁ ଆସର ସବୁ ଏବେ ପରା

ଅନଲାଇନ ରେ ହୁଏ

ଘରେ ବସିକରି କବିତା ଆସର

ଆରାମରେ ହେଉଥାଏ ।

କରୋନା ଆସିଲା ଶିଖେଇ ତ ଦେଲା

ଅନଲାଇନ କଥା

ଯେତିକି ଭଲ ଯେ ସେତିକି ଖରାପ

ଅନଲାଇନ ବ୍ୟଥା ।

ଶୁଣୁଥିଲି କାଲି ଆସର ଗୋଟିଏ

ଅଧା ରେ ତ ରହିଗଲା

ସଭାପତିଙ୍କର ସ୍ୱାଗତ ଭାଷଣ

ଘୁରି ଘୁରି ବୁଲୁଥିଲା ।

ସାହିତ୍ୟ ର ରସ ପାନ କଲାବେଳେ

ନେଟ ଯେ ଯାଏ କଟି

କାହାକୁ କହିବା କିଏ ବା ଶୁଣିବ

ଯାଉ କେତେ ଦିନ ବିତି ।

ଭଲ ଲାଗୁଥାଏ ଶୁଣିବା ପାଇଁ କି

ଅନଲାଇନ ରେ ହବ

ଆସର ପୁରା ତ ହେବ କି ନ ହେବ

କେତେ ବାଟ ସିଏ ଯିବ ।

ସମସ୍ତେ ନିଜର ଭିଡିଓ କୁ ବନ୍ଦ

କରିକି ଯେ ରହିଥାନ୍ତି

ଅନଲାଇନ କ୍ଲାସ ଭଳିଆ

ଲାଗେ ସିଏ ଶୋଇଥାନ୍ତି ।

ସମସ୍ତେ ଅଫ କରି ଭିଡିଓ କୁ

କାମ ନିଜ କରୁଥାନ୍ତି

ଆଉ କେତେ ଜଣ ନେଟ ପାଇଁ ଯେ

ଭାଗ ନେଇ ନ ପାରନ୍ତି ।

ସବୁ କବି ଲେଖକ ଯେ ଅନଲାଇନ ସହ

ଏତେ ବି ଜଡିତ ନୁହଁ

କେଉଁଟା ମାରିଲେ କଣ ହୋଇବ

ଲେଖକଙ୍କୁ ଜଣା ନୁହଁ ।

ମୋଟା ମୋଟି ରେ ତ କହିବାକୁ ଗଲେ

ସାହିତ୍ୟ ଆସର ବ୍ୟଥା

ମୁହାଁ ମୁଁହିଁ ହୋଇ ବସି ଶୁଣିଦେଲେ

ବୁଝିବ ସାହିତ୍ୟ କଥା ।

ସାହିତ୍ୟ ରସ କୁ ସେବେ ତୁମେ ଯାଇ

ପାନ ଯେ କରି ପାରିବ

ସମସ୍ତଙ୍କ ଠାରୁ ନୂଆ କିଛି କଥା

ତୁମେ ଯେ ଶିଖି ପାରିବ ।

ସାରିଯାଉ ଏଇ ରୋଗ ର ପ୍ରକୋପ

କାମ ଚଳା ହେଉଥାଉ

ଅନଲାଇନ ଆସର ଶିଘ୍ର ଯେ ସରିବ

ଅପେକ୍ଷା ଯେ ରହିଥାଉ ।