ଅନଲାଇନ ଆସର

ବେଳ ବୁଡିଗଲେ ଦିନ ଚାଲିଯାଏ,                    

ନୂଆଦିନ ଆସିଥାଏ            

ଦିନୁଦିନ ଏଠି ସମୟ ସାଥିରେ,                     

ସବୁତ ବଦଳିଯାଏ  |          

ଆଜିର ମାନବ ସବୁପାଇଅଛି,                     

ଚାଁହୁଥିଲା ସିଏ ଯାହା,            

ସବୁ କିଛି ଆଜି ସମ୍ଭବ କରିଛି,                     

ବିଜ୍ଞାନ ବଳରେ ଆହା |           

ଦୂରଦେଶୁ ବାର୍ତ୍ତା ପହଞ୍ଚି ପାରୁଛି,                   

କ୍ଷଣକରେ ଆଜିସିନା,             

ଇଣ୍ଟରନେଟର ସୁବିଧା ପାଇଛି,                    

ପୂରଣ କରି କାମନା |            

ଅଳ୍ପ ସମୟରେ ଟଙ୍କା ପଇସାକୁ,                   

ପାରୁଛେ ଆମେ ପଠାଇ,           

ଆହୁରି ଜିନିଷ କିଣିପାରୁଅଛେ,                   

ଘରେ ଆମେ ବସିଥାଇ  |          

ଖାଇବା, ପିନ୍ଧିବା, ଗାଡି, ଘର ଆଉ               

 ଯାହା ଯାହା ଦରକାର,             

ଘରେ ବସି ଆମେ ପାଇବା କରିଲେ,              

ଅନଲାଇନ ଅର୍ଡର |               

ନିଜ ପସନ୍ଦର ସବୁ ସାମଗ୍ରୀକୁ,                  

ଅର୍ଡର କରିଦେଲେ,              

 ସୁରକ୍ଷାର ସହ ମିଳିଯିବ ସବୁ,                   

ଯିଏବି ଯୋଉଠି ଥିଲେ |   

ଅନଲାଇନରେ ବିକଳାଙ୍ଗ ମଧ୍ୟ,                   

କରିପାରୁଛି ଚାକିରୀ,              

ଅନଲାଇନ କାମ ଯୋଗୁ ଆଜି,                    

ହଟିଛି ଅଧା ବେକାରୀ |           

କରୋନା ଆଜି ହାରିଛି, କିନ୍ତୁ                      

ହାରିନି ମାନବ ଜାତି,            

ଅନଲାଇନ ଯୋଗୁଁ ଘରେ ପାଠ ପଢା,    

 ଅଫିସ କାମ ଚାଲିଛି | 

  କେତେ ହଇରାଣ ହୋଇଥାନ୍ତା ଆଜି,           

   ଅନଲାଇନ ଅଫ ଥିଲେ,     

  କରୋନା ସମୟେ ବହୁ ହନ୍ତସନ୍ତ,  

    ହୋଇଥାନ୍ତେ ଆମେ ଭଲେ |   

   ଦୂରେ ଥାଇ ମାଆ ପୁଅକୁ ଦେଖୁଛି,      

    କଥା ପାରୁଅଛି କହି,         

   ପାଣିପାଗ ବାର୍ତ୍ତା ଆଗରୁ ଜଣାଇ,           

    ଦିଏ ସତର୍କ କରାଇ  |          

  ଚନ୍ଦ୍ର ପୃଷ୍ଠ ଆମେ ଦେଖିପାରୁଅଛୁ,             

    ଘର ମଧ୍ୟେ ବସିଥାଇ,         

     ପୃଥିବୀର ନାନା ଖବର ଜାଣୁଛୁ,           

     ଅନଲାଇନରେ ଥାଇ  |       

  ସବୁ ଅଜଣାକୁ ଜଣାଇଦେଉଛି,          

       ପଚାରିଲେ ଗୁଗୁଲରେ,     

       ସବୁକାମର ଉପାୟ ବତାଏ,             

        ସହଜେ ସୁସମୟରେ  

    ମନୋରଞ୍ଜନ ଓ ଖେଳାକୁଦାନନ୍ଦ,       

      ସବୁ ମିଳୁଛି ଏଥର,             

ସେଥିପାଇଁ ଏବେ ସବୁଠି ପଡିଛି,          

      ଅନଲାଇନ ଆସର |