ଅଙ୍କୁରୋଦଗମ

ନବବର୍ଷର ନୁଆ ସୁରୁଜ ନୁଆ ଢଙ୍ଗରେ ନାଚିବ

ହିଂସା ଦୁର୍ନୀତି ,ପାପଭାବନା ପ୍ରେମରେ ନିତି ହଜିବ

ସକାଳୁ ସଞ୍ଜ ଭାଇଭାବରେ ଜୀବନ ଆମ ଢ଼ାଳିବା

ନୁଆ ଚିନ୍ତାରେ ନୁଆ ପୃଥିବୀ ନୁଆ ନକ୍ସାରେ ଗଢ଼ିବା

ଦଙ୍ଗା ,ଦାରିଦ୍ର ଦହନକରି ସହଯୋଗର ହାତରେ

ରାଷ୍ଟ୍ର କଳ୍ପନା ,ସ୍ୱଚ୍ଛ ଭାବନା ଆତ୍ମା ପରମ ଆତ୍ମାରେ

ବଡ଼ ସମ୍ମାନ ସାନ ଆଦର ପାପ ପୁଣ୍ୟକୁ ପରଖି

ଦେଶକୁ ଆମ ଏକ କରିବା ବିଶ୍ୱେ ଏକତା ତନଖି

ନବବର୍ଷରେ ନଷ୍ଟଚରିତ୍ର ନାସିବା ନିଇତି ମିଶି

ଆତଙ୍କ ଦୂର କରିବା ଦେଶୁ ସଭିଙ୍କ ହସରେ ହସି

ଜ୍ଞାନ ,ବିଜ୍ଞାନ କଉଶଳରେ ସବୁଜ ଶଙ୍ଖ ବଜାଇ

କୃଷିଭାଇ ଓ ସୈନିକେ ସଦା ଇଜତ ଦେବା ଭାଇ

ଭାରତ ଆମ ଜନମ ଭୂମି ସଭିଏ ତାରି ସନ୍ତାନ

ଚନ୍ଦନ, ବନ୍ଦନ ,ଅଭିନନ୍ଦନ ଭାଇଭଉଣି ଶୁଣ