ലൈബ്രറി
പ്രൊഫൈൽ
ଅମୂଲ୍ୟ ରତନ
ଅମୂଲ୍ୟ ରତନ
1 min
180
ଟିକି ଟିକି ଯେତେ
ସଜ ଫୁଟା ଫୁଲ
ଫୁଟିଛନ୍ତି ଦୁନିଆଁ ଅଗଣାରେ
ତାଙ୍କ ମହକରେ
ମହକେ ସଂସାର
କିଏ ହେବ ତାଙ୍କ ସମତୁଲରେ। ୧।
ନାଲି ଓଠ ଧାରେ
ଖିଲି ଖିଲି ହସ
ସରଗ ସୁୁୁଷମା ଝଲସେ ତହିଁ
ଅମୃୃତ ସନ୍ତାନ
ଅମୂଲ୍ୟ ରତନ
କୂଟ କପଟ ତ ଜାଣନ୍ତି ନାହିଁ। ୨।
ପାଠ ସାଥେ ପୁଣି
ନାଚି ଖେଳି କୁଦି
ବିତିଯାଏ ତାଙ୍କ ସକଳ ଦିନ
ପ୍ରଜାପତି ପରି
ଉଡି ବୁୁୁଲୁଥାନ୍ତି
ହର୍ଷମୟ ସଦା ତାଙ୍କରି ମନ।୩।
ଆଜି ସିନା କଢି
କାଲି ଯେ ଫୁଟିବେ
ସୁଗୁଣ ସୁବାସେ ଭରି ଦୁନିଆଁ
ଦେଶ ଭବିଷ୍ୟତ
ସେମାନେ ଗଢିବେ
ରାହା ଦେଖେଇବାରେ ନୂଆ ନୂଆ। ୪।
ସଂସାରଟା ସିନା
ସୁନ୍ଦର ଦିଶଇ
କୁନି କୁନି ସବୁ ପିଲାଙ୍କ ପାଇଁ
ଶିଶୁ ଶ୍ରେଷ୍ଠ ଧନ
କରିିିବା ଯତନ
ସେନେହରୁ ଉଣା କରିବା ନାହିଁ। ୫।
