ଅମୃତର ଧାରା ଝରାଇ ଦିଏ ମା'

ଶାଶ୍ୱତ ପ୍ରେମର ରଙ୍ଗରେ ରଙ୍ଗୀନ

ମାଆର ହୃଦୟ ସତ୍ୟ

ସନ୍ତାନ ସୁଖର କାମନା ନିହିତ

ମନ ଓ ପ୍ରାଣରେ ନିତ୍ୟ

ନିଃସ୍ୱାର୍ଥ ଭାବରେ ଛାତିରୁ ଅମୃତ

ନିଗାଡି ଭରଇ ଶକ୍ତି

ସନ୍ତାନ ସେବାରେ ବ୍ୟାକୁଳ ପରାଣ

ତତ୍ପର ସେ ଦିନରାତି

ସୁଖ ସ୍ୱାଚ୍ଛନ୍ଦ୍ୟକୁ ସୂକ୍ଷ୍ମ ଜୀବନକୁ

ଶିଶୁ ପାଇଁ କରିଦାନ 

ପ୍ରତିଦାନ ରୂପେ କିଛି ତ ଚାହେଁନି

ମାନ ଅବା ସନମାନ

ଦେହକୁ ପଥର କରି ସହୁଅଛି

ସନ୍ତାନର ଅଝଟକୁ

ତା'ର ଆଶିଷରେ ସମାଜ ଭିତରେ

ଗଢିଦିଏ ଭବିଷ୍ୟକୁ

ଜୀବନରେ ଯେତେ ଖୁସିର ମୁହୂର୍ତ୍ତ

ଯୋଡିଦିଏ ତ୍ୟାଗବଳେ

ଅମୃତର ଧାରା ଝରାଇ ଦିଏ ମା'

  ଆଦରରେ ମହୀ ତଳେ