Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Niranjan Sahu

Inspirational

2  

Niranjan Sahu

Inspirational

ଅମଣିଷ ହେଲୁ ତୁହି

ଅମଣିଷ ହେଲୁ ତୁହି

1 min
234


ବାପାଙ୍କ ନାମଟି ଆଧୁନିକ ହେଲା

ଡାଡି ବୋଲି ସବୁ ଡାକିଲେ

ବୋଉ ଡାକଟି ମୋଡେର୍ଣ ହୋଇଲା

ମମି ବୋଲି ସବୁ କହିଲେ ।


ଦାଦା ଖୁଡି ଡାକ ପୁରୁଣା ହୋଇଲା

ଅଙ୍କଲ ଆଣ୍ଟି ଡାକିଲେ

ଭାଇ ଭଉଣୀ ଡାକ ଅରୁଚି ଲାଗିଲା

ବ୍ରୋ ସିସ ବୋଲି କହିଲେ ।


ଗୁରୁଜୀ ଡାକ ଟି ଭଲ ଲାଗିଲାନି

ସାର ସାର ବୋଲି ଡାକିଲେ

ଗୁରୁମା ପଦଟି ପାଟିରେ ପସେନି

ମିସ ମିସ ବୋଲି କହିଲେ ।


ମଉସା ଭାଇନା ଡାକ ଭୁଲିଗଲେ

ହାଲୋ ହାଏ ବୋଲି ଡାକିଲେ

ନମସ୍କାର ପଦକୁ ପଛରେ ପକେଇ

ଟାଟା ବୋଲି କହିଲେ ।


ସାଙ୍ଗ ପଦଟି ପାଟିରେ ପସେନି

ୟାର ୟାର ବୋଲି ଡାକିଲେ

କ୍ଷମା ପଦଟି ବୋଧେ ଲାଜ ଲାଗିଲା

ସରି ସରି ବୋଲି କହିଲେ ।


ମାତୃଭାଷା କାର ପାଟିରେ ପସେନି

ଇଂଗଲିସ ଚୋବେଇ ବୁଲିଲେ

ଉତ୍କଳ ଦିବସ ଅର୍ଥ ଭୁଲିଯାଇ

ଏପ୍ରିଲ ଫୁଲ କହିଲେ ।


ଧନ୍ୟ ଧନ୍ୟ ରେ ଓଡ଼ିଆ ଭାଇ

ନିଜ ମାତୃଭାଷା ପଛରେ ପକେଇ

ଗର୍ବିତ ହୋଇଲୁ ତୁହି ।


ମାତୃଭୂମି ମାତୃ ଭାଷାର ମମତା

ଟିକିଏ ବୁଝିଲୁ ନାହିଁ

ସ୍ବଦେଶୀ କୁ ଛାଡି ବିଦେଶୀକୁ ଧରି

ଅମଣିଷ ହେଲୁ ତୁହି ।


Rate this content
Log in